1 KHANGTHU 23:5 - PATHIAN LEKHABU THIANGTHO (BSI)

⁵ sang lite chun kotkhak ngak intiu in, a dang sang li um nalaite chun matchâk ding ah ka guanggalte haw chu mang in, Lalpa pâkna La sa a pan ding uh ahi,” ti’n a hil tai.

1 KHANGTHU 23:5 ပူးပေါင်းရင်းမြစ်များ

1 LENGTE 10:12

Lengpa’n almug thingte chun Lalpa In leh lengpa Inkhuam lian dingte leh, Lasa mite â ding pekkhuangte leh tingtangte a siam ah; zia tawhbang almug thing chu tu’ni tiang in a hung lut ta pua’n, mu zaw le ahi ta puai.

2 LENGTE 7:10

Tichun, a hung ua khawpi kotpi ngâkte a ko ua, a kiang un, “Aram mite kikulna’n ka vachiau in, himaleh zia chun kuama mu ding leh husa het ding a um ta puau hi; sakol kihênte, sabiltung kihênte, chuleh, puanbûkte a um ngai ngai ua um tilo ngal chu bangma mu ding a um ta puai,” a tiu a.

1 KHANGTHU 16:38

chuleh, Obed-edom tawh a chanaute mi sawmguk leh pagiatte chule a pang un; Jedutham chapa Obed-edom tawh Hasah chu kotkhak vêng ah pang dingah guat a hiu.

1 KHANGTHU 16:4

Chuleh, Levite lak ah mi khenkhatte chu Lalpa thuthung thingkuang enkol ding, kipak thu gen ding leh Israelte Pathian, Lalpa pakcha ding in a guat chuam hi.

1 KHANGTHU 23:30

Chuleh, jingkal si’n leh nitâk si’n ah Lalpa pâkna La sa a vapan sek ding uh le ahi’n;

1 KHANGTHU 9:33

Chun, a sun a jan ah mawpua a hiziak un, Levi Inkuante lakah La sakna lam ah hotute chu tempul pindan ah chun a chêngden un; mawpuakna dang vang bangma piak belap ahi puau hi.

2 KHANGTHU 20:28

A tingtangteu leh a guipekteu chi chuam chuam tawh, a pengkulteu tawh Jerusalem khua’ Lalpa In chu a hung tung tau a.

2 KHANGTHU 34:13

thil gik pawte enkâi ding leh, nasep tincheng entha ding ah guatdaw a hiu ah; chuleh, Levi phung ah mi khenkhatte chu lekha zik ding, vaihawm ding leh kotkhak vêng ding ah guat a hiu hi.

2 KHANGTHU 35:15

Asaph suan ah mi La sate chule David, Asaph, Heman leh lengpa thiamgau Jeduthun te thupiak gual in, amau panmun ding chiat in a pang tau a. Kotkhak vêngte chule kotkhak bul tin in a pang chiat un, amau thasâng ah a chipiteu Levite chun kithoina a la lat piak ziak un, kuama a sepnau sukbuai in a um puau hi.

2 KHANGTHU 8:14

Chuleh, a pa David in a la guat dungzui in, thiampute sep ding haw chu a pawl pawl in a guat piakah; Levite chule pâkna La sa ding pawl, nisi’n ah thiampute mawpuakna dungzui ah pang dingte leh, kul kotkhak chuam chuam veng dingte chule a pawl pawl in a guat ah; zia gual ah chu bawl dingin Pathian mi David chun thu a la pia ta him ahi.

EZRA 7:7

Lengpa Artaxerxes lal kum sagi’na chun, Israelte lak ah mipi khenkhat leh thiampute leh Levite lak ah khenkhatte; chuleh, La sa pawlte, kotkhak vêngte leh Tempul ah nasemte chu Jerusalem lam in a chia to tau a.

NEHEMIAH 7:73

Tichun, thiampute, Levite, kotkhak vengte, La sa pawlte, mipite leh tempul ah suak nasêmte leh Israel mi zosia chu, amau khawpi chiat ah chun a chêng muang hiat hiat tau hi.

SAM 87:7

La sa mite leh lâm mite zosia chun kigual tak in, “Ka tuinâk zosia chu nangma ah um ahi,” ti’n au.

ISAI 64:10

La khawpi thiangthote chu gamthip a chang zo tau a, Zion chu gamthip a suak ta’n; Jerusalem chu a hawm ah nutsia ahi tai.

AMOS 6:5

tingtang tawh thâtbeina La sa’n, David gual ah thil gi hoite kisiam ah;