1 KHANGTHU 22:9 - PATHIAN LEKHABU THIANGTHO (BSI)

⁹ Ngai in, chapa hun nei ding la hi; ama chun kicham dial dial in vaihawm intin, kiltin ah kipat a mêlmate tawh kichamsak ding ka hi; a min chule Solomon hi’ntin, ama dam sung in Israelte lak ah gâlmuanna leh thamuanna hun pia ding ka hi.

1 KHANGTHU 22:9 ပူးပေါင်းရင်းမြစ်များ

1 LENGTE 1:13

Kin tak in Lengpa David kiang ah chia inla, a kiang in, ‘Aw lengpa, ka lalpa, matheilo in la chapa Solomon hi la nung ah leng ah pang ding ahi. La lalchutpha chung ah chu ding ahi, ti’n la suaknu kiang ah la kihaksial ta hilo a hem? Chuti ahileh, bang ziak ah Adonijah leng ah pang ta a hem?’ vati’n la.

1 LENGTE 2:15

Ama chun, “Lenggam hi kei â ahi ti la hia’i. Israel mite zosia chun kei vaihawmtu hiding in a mêl uh kei lam a ngat un; himaleh, lenggam chu a kihei in, ka suapipa a hung chang tai! Lalpa‘n ama a piak ahi ngâl a.

1 LENGTE 3:7

Tu’hin, aw Lalpa, ka Pathian, ka pa David thasâng dingin la suak hi lengpa’n lei pansak ta’n; keima hi naupang cha ka hi’n, bang gual ah um ding a hem ti him him ka hepuai.

1 LENGTE 4:20

Judah leh Israelte chu tuipi pang ah piaunêl tawhbang ah tam a hiu a; amau chun a neu ah, a dawn ua, a lim ma ma ziang un.

1 LENGTE 4:24

Ama’n Euphrates tumlam gamte zosia, Tiphsah ah kipat Gaza, Euphrates lui ah kipat tumlam kâi ah lengte zosia chung in thu a nei ah; chuleh, a kîmvêl in muanna a um hi.

1 LENGTE 4:25

Judah leh Israel chu Solomon dam sung sia’n, Dan ah kipat Beer-sheba tiang in bit tak in a um un; mi tin amau grep buk leh theipi kung nuaite chiat in a um un.

1 LENGTE 5:4

Tu’hin ahileh vang Lalpa ka Pathian in kiltin in muanna ei pia ta’n; kilanpi leh vangsiatna tung le a um diak pua’n.

1 LENGTE 8:56

A thutep dungzui ah a mi Israelte kiang ah chawldamna pia ta, Lalpa chu pâk in um hen; a suak Mosi mangcha’ thutiam pha a la gen zosia lak ah thumal pakhat chale a thawn puai.

1 KHANGTHU 17:11

La pu leh pate kiang ah la chiana ding ni a tin phat leh, nangma hun tungding ing ka tin, la chate lak ah pakhat chun la gamngâk in tin, lenggam sukdet piak ding ka hi.

1 KHANGTHU 22:18

“Lalpa, la Pathian un a hun umpi hilo a hem? Kil tin ah kipat gâlmuanna a hun pia hilo a hem? A gam ah a la chêngsate hi ka khutah ei piak tak ziakin, a gam hi Lalpa mit mu ah a mipite nuai ah koi ahi tai.

2 KHANGTHU 6:15

la suakpa, ka pa David kiang in la thutiam chu la la guitun ta hen; ahi ngut hi, la kam ah la la gendawsa chu tu’ni hin la khut in la pitinsak tai.

JOB LEKHABU 34:29

A la thip hiat hiat leh, kua a hem awimaw thei diak ding? A mai ah sêl mang leh kua nam hi’n, kua mimal hileh a mudok zo ding kua a hem um?

SAM 72:1

Aw Pathian, lengpa chu la thudikna pia’n la, la dikna chu leng chapa kiang ah pia’n.

SAM 72:7

Thapi a bei masia, ama damsung in dikna leh, chamna’n a gam lua dim hen.

ISAI 26:12

Aw Lalpa, kei uh â dingin, thamuanna chu hi’det ding la hi’n; nangma’n ka thilbawl zosiau, lei sukpitin piak ta’ngal a.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 57:19

A gamla leh a nai tuam ah umte haw, thamuang unla, thamuang tak in um un, Lalpa‘n a tii; tichun, sudam ding ka hi.

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

HAGGAI 2:9

Zia In lopina nunung zaw chu a masa zaw sâng in nasa zaw’n ah, ti’n sepai honte Lalpa chun a gen hi; chuleh, zia mun ah hin vangphatna hun pia ding ka hi, sepai honte Lalpa chun a tii.

VAIHAWMTE 6:24

Ziaphatchun, Gideon in Lalpa â dingin zia tak ah chun mâichâm a siam ah, a min in, Jehovah-shalom a sak tai. Tu’ni tiang in zia chu Abiezar Inkuante gam ah Ophrah mun ah chun a um nalai hi.