1 KHANGTHU 22:15 - PATHIAN LEKHABU THIANGTHO (BSI)

¹⁵ Nasêm dingle mi tam tak la nei hi: suang sek dingte, mi khutthiamte, suangkhuak thiamte, thingbawl dingte leh mi them thiam simsên lo khop ah tam,

1 KHANGTHU 22:15 ပူးပေါင်းရင်းမြစ်များ

2 SAMUEL 5:11

David Insa dingin Tura ah Lengpa Hiram in David kiang ah sidar thing tawh, thingbawl thiamte, suangsêk thiamte tawh palai a hun sawl a.

1 LENGTE 7:14

Ama chu Naphtali nam ah meithâi pakhat chapa ahi’n; a pa Tura mi chu sum-eng ah thilbawl thiam a la hia; ama chu, thiamna, pilna, hetna leh sum-eng ah thil bawldan thiamna’ dim ahi. Ama chu Lengpa Solomon kiang in a hung ah, a sep ding zosia chu a sêm pan tai.

1 KHANGTHU 22:14

Zia Lalpa In sakna ding ah hin gim tak in, sana talent nuai khat tawh, dangka thik talent maktaduai khat tawh, sum-eng leh thik tam tak te’sen lo ka lakhawm in, kiningting ma ma ding ahi’n; chuleh, thing leh suang le ka lakhawm hi. Zia ban ah hinle la lak khawm be ding ahi.

1 KHANGTHU 22:16

sanate, dangkate, sum-engte leh thik bawl dan chi chuam chuam ah thiamte le la nei hi. Tu’hin na chu sêm pan ngâl inla, Lalpa‘n hun kithuapi ta hen,” ti’n a gen hi.

2 KHANGTHU 2:6

Himaleh, ama chu van leh van sâng pen inle a dawl lo ahiziak in, a chênna In ding chu kua’n sathei ding a hem? Ama chêntheina ding In chu kei tawhbang bep hin sathei laizang pua’ng ka tin, a kiangah kithoinate latna ding mun bep a hilo ngâl leh?

2 KHANGTHU 2:7

Ziaziakchun, tu’hin Judai gam leh Jerusalem khua ka pa David in mi khutthiam a la neisate kithuapi a: Sana, dangka thik, sum-eng, thik leh puan sandup leh a dum leh a zia chuam chuam leh thil khuak thiamte ei hun sawl piak inla;

PAWTDAWNA THU 28:6

Chun, thiampu â ding ephod chu sanate, patdum, a sandup leh a sandâng ah kisiam leh puan malngat, thuksa, mi khutthiam tak in a ga la bawlsak ding ahi.

PAWTDAWNA THU 35:32

thilbawl ding lem he tak ah suangtua ding dan thiamnate, sana leh dangka, sum-eng ah bawldan thiamnate;

PAWTDAWNA THU 35:35

Ama chu nasep tincheng sêm ding ah khut thiamna, pat a dum, a sandup leh a sandângte siam dan leh puan malngat jem bawl leh ga dan leh, thilbawl ding dan zosia guanggal thiamnate nei dingin lungthim pilna’n a thuam tai.