1 KHANGTHU 21:8 - PATHIAN LEKHABU THIANGTHO (BSI)

⁸ David in Pathian kiang in, “Zia thil ka la bawl ah hin la chungah ka sukhial nasa ma ma tai. Himaleh, tu’hin, ngolhuai tak ah thil ka la bawl tak ziakin, la suakpa sukkhialna hi ngaidam piak dingin ka hun don la hi,” ti’n a gen a;

1 KHANGTHU 21:8 ပူးပေါင်းရင်းမြစ်များ

THILSIAM THU 34:7

Jakob chapate chun a het phat un, lou ah kipat in a hung un; Jakob chanu luppi in Israelte lak ah thil phalo ngolhuai tak, bawl lo hial ding thil a la bawl tâk ziakin a lungna ma ma tau hi.

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

2 SAMUEL 13:13

Zia gual ah mualphona chu khoi tak ah vâkdawpi ding ka hi tam? Nang le Israelte lak ah mi chavaite lak ah khat hung hiding la hi. Zia sâng ah chun, lengpa kiang ah genzaw tiam in; nang tawh ka kichen ding chu phal ding ahi ngal in,” a tia.

2 SAMUEL 24:10

Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

1 KHANGTHU 21:7

Zia thu ah hin Pathian a lung a awi ta pua’n, Israelte chu a gawt khawlaw tai.

2 KHANGTHU 10:9

a kiang un, “Zia tak ah mipi, ‘La pa khan ka chung ua a ngawngkol ngak hi a gik talua hen ei hijang piak in,’ ti ah hung donte hi bang gual in dawnhu leu hin pha la sau em?” ti’n a dongah.

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.