1 KHANGTHU 21:13 - PATHIAN LEKHABU THIANGTHO (BSI)

¹³ Ziaphatchun, David in Gad kiang ah chun, “Ka ngaitua thei ta puai; Lalpa chu jaidawna nasa tak nei ahiziak in mihing khut ah kipiak sâng in, ama khut ah kipe lut mai ing ka,” ti’n a dawnhu tai.

1 KHANGTHU 21:13 ပူးပေါင်းရင်းမြစ်များ

2 LENGTE 6:15

Pathian mi, nasêmte lak ah mi khat chu jingkal matak in a tho ah a pawtdaw phatin, sepaite chu sakolte leh kângtalaite tawh khawpi kîmvêl in ala ûm suak ziang tau a. A suakpa chun, “A khawk na e, ka hotupa! Bang I law ta diam uh?” a tia.

2 LENGTE 7:4

‘Khawpi sung ah lut hitiu,’ tileuhin la, kial ziakin khawpi sung ah chun vathi tho ding I hiuah; himaleh, zia hin kichu leu hinle thi tho tho ding I hiu in. Ziaziakchun, Aram mite kikulna ah vatai lut mai hitiu; ei hinghoi ua leh pha, ei thalup ua leh la thi mai hitiu,” a kitiu a.

2 KHANGTHU 28:9

Himaleh, a lak un Lalpa jawlnei pakhat a um ah, a min chu Oded ahi. Ama chu Samaria khawpi lam ah sepai hungte lamtua dingin a chia ah, a kiang un, “Judai gam ah mite chung ah Lalpa la pu leh pateu Pathian a lungnat ziakin, a hun zaw sak ta hen; himaleh, nang un thangtawm takah la thâgam thawmgit un van a thawng ta ahi.

ESTHER 4:11

“Lengpa nasêmte zosia leh a gam sung ah mipite zosia’n a het chiat uh, kuale numei hi’n pawsal hiziang maleh, lengpa’n a ko lo ah a Indan sungnung ah lût tapo chu, thalup ngal ding ti dan a um hi; ahi’n la, lengpa’n a lal tiang a la lapsân leh vang chu, zia mi chu hing ding ahi. Keima hile tu’ ni sawmthum sung hi lengpa kiang ah lût ding ah ko ah um talo ka hi tai,” vati dingin a sawl a.

ESTHER 4:16

“Chia inla, Susa khua Juda mi zosia ko khawm inla, kei â dingin anngawl in pauchap un; sûn thum leh jan thum sung chu bangma ne lo leh dawn lo in um chiat un. Nanghaw’n la bawl gual un kei leh ka nasêm nungakte hinle bawl ing kau. Ziazaw chuleh, dan lo gual tak himaleh, lengpa kiang in vachia ing ka; ka manthai leh ka manthai himai hen,” ti’n a gen tai.

SAM 103:8

Lalpa chu khawtua thiamna leh lungsiat thiamna dim, lung niang tak leh ngilneina dim ahi.

SAM 106:7

Ka suantuteu in Aigupta gam ah a la um lai ua khan, la thilmak bawlte a la ngaisak puau a; la ngilneina nasa tak kha le a la hezing puau a, Tuipi San ah khan Chungnung Penpa chung in, a la hel zaw tau hi.

SAM 119:156

Aw Lalpa, la lainatna a nasa na e! La vaihawmna dik dungzui in hinna ei pia’n.

SAM 130:4

Himaleh, la kiang ah ngaidamna a um hi, ja um tak ah la umtheina dingin.

SAM 130:7

Aw Israel, Lalpa ah kinem in! Lalpa kiang ah ngilneina a um ngal in, ama ah chun hukdam theina thahâtna a um hi.

SAM 5:7

Kei vang la ngilneina nasa tak ziakin, la In ah hung lut ing ka tin; nangma ja na’n, la tempul thiangtho lam nga’n bokkhup ing ka.

SAM 69:13

Aw Lalpa, kei vang la kiang ah pauchap zing ing ka. Aw Pathian, hun kipak um sung ah hin, la ja’ngaina ziakin ei dawnhu ta’n.

SAM 69:16

Aw Lalpa, la ngilneina a phat ziakin, ei dawnhu in; la lainatna hau dungzui in ka lam hun nga’n.

SAM 86:15

Ahi’n, aw Lalpa, nang chu Pathian, lainatna dim leh, mi hepi thei, lungnem, ngilneina leh thu tak ah dim la hi.

SAM 86:5

Aw Lalpa, nang chu la pha’n, ngaidam pei, a ko tapote chung ah, ngilneina hau la hi’ngal a.

THUPILTE 12:10

Midik in a ganchate mamaw ding a he sek in; mi nunsia ja’ngaina sang pen chule a hiamngam zaw nalai hi.

ISAI 46:7

A liangko ah sepdok in a puau a, a umna ding mun un a tung un, zia chun a ding den tau a; a umnau kipat in a chia chawn thei ta puau hi. Mi khat in bang gual in ko maleh, a dawnhu thei pua’n, a lungkhamnau ah kipat in a hukdok thei puai.

ISAI 47:6

Ka mite chung ah lungna ka hi’n, ka gochante chu ka hi’buak zo tai; la khut in amau chu ka hun pia ta’n, ja’ngaina la la nei pua’n; têksete chu ngawngkol gik tak la puaksak tai.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 63:15

La chênna thiangtho leh ja’um tak, van ah kipat in hun thîl suk in en tiam in. La phatchuam ngaina leh la hatna kha, khoilam ah um ahi tam? La lungthim ah lei ngainatna leh, lei khawtuana keima ah kipat hin lâkmang ahi tai.

ISAI 63:7

Lalpa‘n a hepina ei vukna dungzui in, Lalpa pakchatna tawh, Lalpa hepi ngilnei dan tak chu gen ing ka tin; chuleh, Israelte chung ah a phatna nasat dan, a ja’ngaina dungzui ah a chung ua a vuk dan tawh, a hepina ngilneina nasat dante chu gen ing ka.

KÂ LATE 3:32

Hi’lungngai maleh, a ja’ngaina nasa tak dungzui in, lainatna hun nei ding ahi ngal a;

JONAH 3:9

I manthailo’na ding un; Pathian chun a lung khiam in, a lungnatna huaisia tak ah kipat chun kihei kit in ah ti kua a hem hethei ding?” a tia.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

MIKAH 7:18

Nangma gual ah gitlo’na ngaidam leh, la gochan umsun te gitlo’na melkhu pei Pathian dang, kua a hem um ngai? A lungnatna kumkhua’n a vop zing pua’n, a hepina danglam ngai lo a suklat ziakin a kipak sek ngal a.

HABAKKUK 3:2

Aw Lalpa, la minthanna thu ka la he ta hen; aw Lalpa, la thilbawl tiza in ka ding mai hi. Keimau hun sung in hun hi’hal kit inla, ka hun sung ma mau hin hun hiatsak inla; la lungnatna tawp khawk inle ja’ngaina hemil kin.

JOHAN 12:27

Tu’hin vang ka lung a gim hi. Aleh, bang ka gen ta diam? He Pa, zia dakkal ah kipat hin ei hukdok in; himaleh, ziaziak tak ah hi tu’hun ah um ka hingal a.

PHILIPPI 1:23

Pawt daw ah Khrista kiang ah um chu a phat zawk ma ma ziakin, a kâl lak ah lungthim laklaw tak in ka um ahi.

HEBRAITE 10:31

Pathian hing khut ah pûk chu thil huaisia tak ahi.