1 KHANGTHU 19:9 - PATHIAN LEKHABU THIANGTHO (BSI)

⁹ Ammonte chu gâldo dingin khawpi kipat hung kuan in, khawpi kotkhak bul in a hung pang un; chuleh, leng dangte haw chu gamlak ah amau ngen in a pang tau hi.

1 KHANGTHU 19:9 ပူးပေါင်းရင်းမြစ်များ

2 SAMUEL 10:8

Ammonte chu a hung kuan un, a khawpiu kotkhak bul in a chângpang tau ah; Zobah leh Rehab ah Aramte chu, Tob tawh Maakah mite chu tawh gamlak in a pang tau hi.

2 SAMUEL 18:4

Lengpa chun a kiang un, “Nanghaw’n pha pen ding ah la ti dan dan un um mai ing ka,” ti’n a dawnhu a. Tichun, sepaite chu a za têl leh a sangtêl têl ah a kijawtdaw zung zung lai un, lengpa chu khawpi kul kotkhak bul ah chun a ding zing hi.

1 LENGTE 20:1

Aram gam ah Lengpa Ben-hadad in a sepaite a ko khawm ah; leng sawmthum leh ni tawh sakol leh kângtalai haw tawh ama lam in a pang ua. Samaria sim in a kuan tau a; a ûm ua, a la tau hi.

1 LENGTE 20:24

Chuleh, zia hi bawl in: lengte chu a panmun chiat ua kipat ladok in la, a thasâng un sepai hotute koi in;

1 KHANGTHU 19:10

Joab in a malam leh a nunglam ah mêlma’n a chântua a hiu ti a het phat in, Israelte lak ah mi bang jat a hem têldok in Aram mite do dingin a kiguanggal a;

1 KHANGTHU 19:8

David in zia chu a het phat in, Joab tawh a sepai hangsan zosia chu a sawl a,

2 KHANGTHU 13:3

Abijah chun kidona pang dingin sepai hangsan nuai li a nei ah; Jeroboam inle gâldo ding ah têlchuam, sepai hat leh hangsan ngen nuai giat tawh a dosak a.

2 KHANGTHU 14:10

Asa chule amau do ding in a kuandok ah; tichun, Maresha mun ah Zephathah Phâijawl langtuak ah chun a kigual tau hi.

ISAI 28:6

vaihawmna chutpha kichute â dingin, a dik hiattheina thagau hi’ntin; mêlma’n khawpi a bulu lai ua, kul kotkhak bul ah gâlte, a la le’naw kitte â dingin, hatna hung hi’n a.

JEREMIAH 50:42

Thalpi leh cheicha a hun pan un, mi huham leh lainatna neilote a hiu. Aw Babulon chanu, nang hun do dingin, tuisuagiat kinawk gual ah husa nei, sakol chung ah chuang in, sepai hangsan, gâlkuan ding gual in a kisiam ui!

JOEL 2:5

Kido’na kângtalai gual ah tai in, hampa kâng ah mei a kua’n puat puat gual leh, kido’na pang ding ah kisa galdo mihat tak gual in, mualvûm in a chawm kâi ui.

1 SAMUEL 17:2

Saul leh Israelte kikhawm in, Philistinte do ding ah Elah phâijang in, panmun a siam tau hi.