1 KHANGTHU 18:17 - PATHIAN LEKHABU THIANGTHO (BSI)

¹⁷ Jehoiada chapa Benaiah chu Kherethte leh Pelette chung ah vaihawm in a pang un; chuleh, David chate chu lengpa nasemte lakah hotu’n a pang chiat ui.

1 KHANGTHU 18:17 ပူးပေါင်းရင်းမြစ်များ

2 SAMUEL 15:18

A milian leh lalte zosia’n a hun makhel tau ah; ama vengtu Khereth mite, Peleth mite leh Git mi za guk Gath khua kipat hun zui zosia chunle a hun makhel tau hi.

2 SAMUEL 20:23

Tu’hin, Joab chu Israel sepaite zosia chung ah hotu’n a pang ah; Jehoiada chapa Benaiah chu Kereth mite leh Peleth mite chung ah hotu’n a pang tai.

2 SAMUEL 20:7

Joab sepaite chun a delzui tau ah, Kherith mite, Pelethte tawh sepai hangsan zosia’n a zuidok tau a; Jerusalem ah kipat in Bikhri chapa Sheba hawl in a kuandok tau hi.

2 SAMUEL 8:18

Jehoiada chapa Benaiah chu Kherethte leh Pelethte hotu’n a pang un; chuleh, David chapate chu thiampu’n a pang ui.

1 LENGTE 1:38

Tichun, thiampu Zadok, jawlnei Nathan, Jehoiada chapa Benaiah leh Kherith mite leh Peleth mite chu a chia suk ua, Lengpa David sabiltung chung in Solomon a chutsak ua, Gihon lam ah chun a pui tau a.

1 LENGTE 1:44

lengpa chun a kiang in thiampu Zadok, jawlnei Nathan, Jehoiada chapa Benaiah leh Kherith mite leh Peleth mite a sawl ah, amau chun Solomon chu Lengpa sabiltung chung in a chuansak un;

1 KHANGTHU 18:16

Ahitub chapa Zadok tawh Abiathar chapa Ahimelekh chu thiampu’n a pang un; Shavsha chu lekhazik in a pang a;

1 KHANGTHU 19:1

Zia nung ah chun Ammonte Lengpa Nahash a thi ta’n, a chapa a thasâng in a pang in.

1 KHANGTHU 23:28

“Himaleh, a mawpuakna ding uh chu, Aron suan ah mite Lalpa In ah sep leh bawl, biakbûk huang sung leh a pindante etkolna leh, thilzek zosia sukthianna leh Pathian In ah sep leh bawl zosia ah kithuapi ding leh;

NEHEMIAH 11:24

Meshezabel chapa Pethahiah, Judah phung ah mi Zerah suan ah mi chu, mipite chung ah bawl ding zosia mawpaw ding ah lengpa thasâng ah pang ahi.

ZEPHANIAH 2:5

Tuisuagiat pâm ah chêngte leh Kereth mite chung chu a gik hi! Aw Kanaan, Philistinte gam; la sung ah mihing pakhat ziang le, umlo dingin hun susia ding ka hi.

1 SAMUEL 30:14

Kherethte gam simlam leh Judah te luana gam leh Kaleb gam simlam ka vabuluu ah; chuleh, Ziklag khuale ka hâltum uh ahi,” ti’n a dawnhu a.