1 KHANGTHU 18:11 - PATHIAN LEKHABU THIANGTHO (BSI)

¹¹ ziate haw chu tawh gam chuam chuam, Edom, Moab, Amnon, Philistin, leh Amalekte leh namtin lak ah kipat a chom khawm dangka thik leh sana zosia chu, David in Lalpa kiang in a la’n tai.

1 KHANGTHU 18:11 ပူးပေါင်းရင်းမြစ်များ

1 LENGTE 7:51

Tichun, Lengpa Solomon in Lalpa In bawlna a nasep zosia chu a zo thiang tai. Solomon in a pa David in a la lat thiansa thil zosia chu a la lut ah; dangka, sana leh a ûm leh bêlte chu Lalpa In ah gote lak in a koikhawm tai.

2 LENGTE 12:18

Judai gam ah Lengpa Jehoash chun Judah lengte, a suanpa Jehoshaphatte, Jehoram leh Ahaziah in a go lak ua kipat thilpiak a latdawsateu leh, ama go ah kipat a thilpiakte, Lalpa In leh lengpa In ah go koikhawmte, sana leh dangka zosia chu a la, ziate chu Aram Lengpa Hazael kiang in a thot tai. Ziaphatchun, Hazael in Jerusalem chu a do ta puai.

1 KHANGTHU 18:10

Hadadezer do ah a zaw tak ziak ah, Lengpa David kiang ah kipak thu gen ding leh, chibai bûk dingin a chapa Hadoram chu a sawl a. Zia hun lai ah chun, Hadadezer in Tou chu a do zing sek ziakin, sana, dangka, thik leh sum-eng ah kisiam thilpiak chitin a thot a;

1 KHANGTHU 18:12

Zeruiah chapa Abishai inle, Chi Phâijawl ah chun Edomte sîng khat leh sang giat zet le a that nalai hi.

1 KHANGTHU 22:14

Zia Lalpa In sakna ding ah hin gim tak in, sana talent nuai khat tawh, dangka thik talent maktaduai khat tawh, sum-eng leh thik tam tak te’sen lo ka lakhawm in, kiningting ma ma ding ahi’n; chuleh, thing leh suang le ka lakhawm hi. Zia ban ah hinle la lak khawm be ding ahi.

1 KHANGTHU 26:20

Chun, Levite lak ah Ahijah chu Pathian In ah thawlawm leh thilpiakte koikhawmnate enkol in a pangah,

1 KHANGTHU 29:14

Himaleh, kei hi kua ka hia, ka mipite hile bang a hiu ah, zia gual tuk ah kiphalna tawh thilpiak hun pia ziang thei ka hiu em? Bangkim hi nangma ah kipat hung pawt ngen ahi’n, nang â ma ma chu ka hun piak kit uh a hizawi.

2 KHANGTHU 5:1

Tichun, Lalpa In ah sep leh bawl ding zosia chu Solomon in a zo thiang tai. A pa David in a la lat thiansa zosia chu Solomon in a la lut sik sek ah, Pathian Insung go thil lak ah chun dangka thik, sana leh ûm leh bêl zosia chu a koikhawm tai.

PAWTDAWNA THU 35:5

La lak ua kipat in Lalpa â ding ah thilpiak hun lakhawm chiat un; kuale Lalpa â ding ah piak thatnopna nei taphot in ziate hi hun pekhawm un: sana, dangka, sum-eng;

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

JOSHUA 6:19

Ahi’n, dangka leh sana, sum-eng leh thik tak ah kisiam, ûm leh bêlte chu vang Lalpa chanvo thiangtho ahiziak in, Lalpa sumbawm ah koi ding ahi,” a tia.

JOSHUA 6:24

Khawpi leh a sung ah thil um zosia chu mei in a hâltum tau a; dangka thikte, sanate, sum-eng leh thîk ah kisiam, ûm leh bêlte bep chu Lalpa sumbûk ah chun a hun koi tau a.

1 SAMUEL 30:13

Ziaphatchun, David in a kiang in, “Kua lam ah pang la hi em? Khoilam ah kipat hung la hi em?” ti’n a dong a. Ama chun, “Aigupta gam ah tangval, Amalekte suak ah um ka hi’n; ni thum a hita’n, ka damlo ziakin ka pu’n ei nutsia mai ka hi.

1 SAMUEL 30:20

Chuleh, David in belam honte, bawng honte zosia chu a lâkpiak kit tai; ziate chu gancha dangte âng in a hun somdok un, mite chun, “Ziate hi David gâllâkte chu a hiu,” a la tiu a.