1 KHANGTHU 17:27 - PATHIAN LEKHABU THIANGTHO (BSI)

²⁷ ziaziakchun, la suak Inkuan hi kumtuang ah la kiang ah a um zing theina ding un, lungsiat tak in maljawl ta’n. Aw Lalpa, nang in la maljawl tâk chu kumtuang ah maljawl in um tau hen, a ti tai.

1 KHANGTHU 17:27 ပူးပေါင်းရင်းမြစ်များ

THILSIAM THU 27:33

Isak chu nasa tak in a kithing ta’n, “Sakhi sa ka kiang ah hun chawi ah, la hung tun ma’n ka nêk zaw ah, ka la maljawl tâk kha kua a hita dia aw! ahi’n, ama chu maljawl in um ta tho tho in a,” a ti’n.

1 LENGTE 2:33

ziaziakchun, a thisan mawu Joab luchung leh kumtuang ah a suanteu luchung ah le’kit hiding ahi. Ahi’n la, David chung leh a suante chung leh a lalchutpha chung in Lalpa ah kipat kumkhua’n muanna um in a,” a ti’n.

1 LENGTE 2:45

himaleh, Lengpa Solomon maljawl in um intin, David lalchutpha chu Lalpa âng in kumtuang ah phudet in um in a,” ti’n a gen a.

1 KHANGTHU 17:26

Aw Lalpa, tu’hin nang chu Pathian la hi’n, zia thilpha hi la suak kiang in la tiam ta’ngâl in;

1 KHANGTHU 18:1

Ziazaw chun, David in Philistinte chu a vado ah, a zo ta’n; Philistinte ah kipat in Gath khawpi leh a khawpelte chu a lâkpiak tai.

1 KHANGTHU 28:4

Ahi’n la, Israelte Lalpa Pathian chun, ka pu leh pate Inkuan zosia lak ah kipat in, kumtuang ah Israelte chung ah leng hiding in ei la têl ta’n; ama chun Judah phung lak ah chunle ka pa Inkuan a têlchuam ah, ka pa Inkuan lak inle Israelte zosia chung ah leng hi dingin a chate zosia lak in keima ei têlchuam kit nalai hi.

SAM 21:6

Kumtuang â dingin maljawlna nasa tak la pia hen; la umpi’na lim um ziakin la kipaksak hi.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

KISIMNA LEKHABU 23:20

Entia, maljawl dingin thupiak ka mu’n; ama’n a maljawl tâk chu ka hei lamdang thei puai.

ROMTE 11:29

Pathian in a thilthawnpiak leh a kona haw chu sukbei kit thei ahi puai.

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

DAN LEKHABU 15:6

Lalpa la Pathian a la kitiamna dungzui ah a hun maljawl phat leh, nam tamtakte lak ah bat hawm ta’n la tiu in, nang un vang kuama thil bapua’n lau; nang uh nam tamtakte chung ah vaihawm in pang in la tiu in, nanghaw chung ah vang kuama’n thu nei pua’n a.