1 KHANGTHU 17:21 - PATHIAN LEKHABU THIANGTHO (BSI)

²¹ Aigupta gam ah kipat la tatdaw la mite ma-âng ah namdangte tawden ah, thil lopi tak leh lau um takte bawl ah, min thupi tak siam piak ding ah Pathian in ama mite hiding ah a hukdaw, la mi Israelte gual hi khawvel ah nam dang kua a um em?

1 KHANGTHU 17:21 ပူးပေါင်းရင်းမြစ်များ

1 KHANGTHU 17:20

Aw Lalpa, ka bil ua ka het gual un, nangma tawhbang hi kuama a um pua’n, nangma lo’ngâl Pathian dang him himle a um puai.

1 KHANGTHU 17:22

Chuleh, la mipi Israelte hi kumtuang ah la mipi hiding in la la siam ta’n; chuleh, nangma chu aw Lalpa, a Pathian uh la hi,” a ti tai.

NEHEMIAH 9:10

Nang in Pharaoh leh a suakte zosia leh, a mipite zosia’n ka pu leh pateu chung ah kiletsak takah a bawl uh thukna’n, tepte’na leh thilmak tam tak la la bawl khawlaw ta’n. Tichun, tu’ni tiang dai dingin la minthanna la koi tai.

SAM 107:2

Lalpa tatsate, lungkhamna lak ah kipat a tatdawsate zosia chun, zia gual chun gen uh hen la;

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

SAM 147:20

Ama’n namdangte lak ah kua chung inle, zia gual chun a bawl ngai pua’n; a dan siamte chule a he diak puau hi. Lalpa chu pâk tau in!

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SAM 77:15

La bân thahât tak in la mite, Jakob leh Joseph suante chu la hukdok hi.

PAWTDAWNA THU 6:6

Israel chate kiang ah chun: Kei Lalpa chu ka hi; Aiguptate puakgik nuai ah kipat leh a suak uh la channau ah kipat in hun hukdok ding ka hi; ka khutbân thahât ma ma chu hun thadok in, huaisia tak in amau hun gawt ing ka tin, hun hukdok ding ka hi.

ISAI 48:9

Keima min ziakin ka lungnatna chu, ka tutâng tadi in, nangma ka hun paithâk lona ding in, la chung ah pâkchatna ka law khâk leh ti’n, ka kisûm tadi ahi.

ISAI 63:12

A khutbân lopi tak, Mosi khut changlam kitonpi zing a, kumtuang ah a minthanna ding ah, a ma-âng ua tuiliante khên tan a,

ISAI 63:9

Sukgenthei ah a la umnau zosia a la thokpi a, a umpi zing a vansawlchâk chun a hukdok tai; a hepina leh lainat bêk ziak ah hukdok in a domsang ah; tichun, nidang lai pek ah kipat khan, a la kaibât zing hi.

ISAI 64:3

Ka ginchâk lo gual tak uh thil thupi tak, bawl ding ah la hung suk phat leh, la ma-âng in mualte a kithing sek ui.

JEREMIAH 32:21

Nang in teptênate, thilmakte, khut hat tak leh bantha jak huaisia tak in la mipi Israelte chu Aigupta gam ah kipat in la la puidok ta’n;

DAN LEKHABU 15:15

Nang hawle Aigupta gam ah suak leh sal tânna kipat, Lalpa la Pathian un a hun tatdaw la hiu ti kha kihe zing tau in;

DAN LEKHABU 4:7

I ko phat si’n leh naicha um zing, Lalpa I Pathian uh gual hi, kua nam inle pathian dang a nei kha ngai him him ua a hem?

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

JOSHUA 10:42

Zia lengte zosia leh a gam uh hi, Lalpa Israelte Pathian in Israelte a dopi ziakin, Joshua’n hun khat thu in a lak piak vek a hi.