1 KHANGTHU 17:16 - PATHIAN LEKHABU THIANGTHO (BSI)

¹⁶ Ziaphatchun, Lengpa David chu biakbûk ah chun a lut ah, Lalpa âng ah chun a kichu, “Aw Lalpa Pathian, keima hi kua ka hia, ka Inkuan uh le kua ka hiu ah zia tiang tiang hi lei pui ahi em?

1 KHANGTHU 17:16 ပူးပေါင်းရင်းမြစ်များ

THILSIAM THU 32:10

la suak chung ah la hepina chuailo leh la ginumna zosiate lakah hin, a neupenle chang tâk ka hi puai; zia Jordan lui hi ka tiangkhut bep hi tawh ka la kân in, tu’hin chu hon ni hial ka hi tâk uh hi.

2 SAMUEL 7:18

Ziaphatchun, Lengpa David chu Insung in a lut ah, Lalpa ma ah kitung in, “Aw Lalpa Pathian, kei hi kua ka hia, ka Insung hile bang a hiu ah zia tiang tiang hi lei pui tung ziang a hem?

2 LENGTE 19:14

Hezekiah chun zia a mi sawl ah kipat chun zia lekhathot chu a la mu phât in a sim a: Tichun, Hezekiah chu Lalpa In ah a chia to ah, Lalpa ma ah chun a kiphâniam tai.

1 KHANGTHU 17:15

Tichun, Nathan in zia a thil mu leh a het dungzui ah chun David kiang in a vahil tai

1 KHANGTHU 17:17

Aw Pathian, zia hile nang a ding ah thil neucha ahi nalai hi. Aw Lalpa ka Pathian, nang in milian tak gual in lei ngai nalai sêt a!

1 KHANGTHU 29:14

Himaleh, kei hi kua ka hia, ka mipite hile bang a hiu ah, zia gual tuk ah kiphalna tawh thilpiak hun pia ziang thei ka hiu em? Bangkim hi nangma ah kipat hung pawt ngen ahi’n, nang â ma ma chu ka hun piak kit uh a hizawi.

2 KHANGTHU 1:8

Solomon in Pathian kiang ah chun, “Ka pa David chung ah khan ja’ngaina nasa tak la la latsak zo ta’n; chuleh, ama thasâng ah leng hiding in lei siam ta hen,

SAM 144:3

Aw Lalpa, mihing hi bang a hia ngaisak zing la hem? Thi thei mihingte hi bang ding ah la ngaitua zing sek?

NASEPTE 26:22

Himaleh, Pathian panpina dong in, tu’ni hin la âng ah dingin, milian leh mineute kiang ah thu gen thei nalai in ka um ah, ka thugen chu Mosi leh Jawlneite’n thil tung ding a gen sekteu tilo chu bangma dang ahi diak puai:

2 KORINTH 1:10

Ama’n zia gual thi lau umna lak ah kipat chun ei hukdok ta’n, ei hukdok zing in, ei hukdok kit jel in ah ti, ama chung ah kinepna ka nei uh ahi.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

VAIHAWMTE 6:15

Ama’n, “Aw Lalpa, kei pen tak hin Israelte bangti’n hukdok thei ding ka hem? Manasseh phung lak ah a jawngkhal pen ka hi’n; chuleh, ka Inkuan lak ua le a neupen ka hi nalai ah,” ti’n a dawnhu a.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.

1 SAMUEL 9:21

Saul in zia gual hin a dawnhu ah, “Kei hi Israelte phung lak ah a naupang pen Benjamin phung ah mi ka hi’n; chuleh, Benjamin phung lak ah le Inkuan thulimlo pen ka hi kit in. Bangtidan ah zia gual ah chu ka kiang ah thu gen la hem?” a tia.