1 KHANGTHU 16:40 - PATHIAN LEKHABU THIANGTHO (BSI)

⁴⁰ amau chun Israelte kiangah Lalpa‘n dan thu zikdaw ah a la piak dungzui ah, jing leh nitâk si’n ah hâlmang thillat mâichâm ah Lalpa kiang ah hâlmang thillat a lat zing ding uh ahi.

1 KHANGTHU 16:40 ပူးပေါင်းရင်းမြစ်များ

2 SAMUEL 8:17

Ahitub chapa Zadok tawh Abiathar chapa Ahimelekh chu thiampu’n a pang un; Seraiah chu lekha zik in a pang hi.

1 LENGTE 18:29

Sûn nung a hung hita’n, nitâk lam kithoina chi khat lat hun tiang in a kipawng bawl ziang tau ah; himaleh, aw git bangma a um pua, dawnhu’na leh ngaisakna him a um diak puai.

2 KHANGTHU 2:4

Tu’hin Lalpa ka Pathian min in In sakdaw ka gua’n; zia chu Lalpa ka Pathian un Israelte’n kumkhua ka mat ding ua ei la guat piak, a kiang ah gimtui hâl ah, vaithum a tian ah lat zingna ding, jing leh nitâk si’n ah hâlmang thillat bawlna ding, sabbath ni si’n, tha thak ni si’n leh Kût nite haw ah, a kiangah ka lattheina ding uh ahi.

2 KHANGTHU 31:3

Lalpa Dan Lekhabu a la kizik dungzui in, jingkal leh nitâk ah hâlmang thillat dingte tawh, thathak hun leh a hunbî nei ah thillat dingte bawlna ding ah lengpa tuak ding jatte chu bithiak in a bawltuak a.

EZRA 3:3

A kîmvêl ua mipite chu lau maleu le, mâichâm chu a umna mun ngai ma’ chun a hun lemdok kit tau a; chuleh, zia mâichâm ah chun Lalpa kiang ah hâlmang thilpiakte chu jingkal leh nitâk si’n in a la’n tau hi.

DANIAL 9:21

ka pauchapna thu ka gen zing lai in, nitâk lam kithoi hun in, mu’lawkna ka la musa, mi pakhat Gabriel chu, kin tak ah hung leng in ka kiang a hung tung ta’n.

THIAMPUTE LEKHABU 9:17

Changbuang thillat chule a la’, zia lak ah chun a khut dim khat a hamdok ah, jingkal hâlmang thillat chu tawh mâichâm ah chun a hâltum khawm tai.

AMOS 4:4

Bethel ah hung un la bawtsiau in, Gilgal ah hung unla, bawsiatna supung un; jingkal si’n in la kithoinau hun chawi unla, ni thum dan leh la sawm ah khatteu hun chawi khawm unla;