1 KHANGTHU 16:36 - PATHIAN LEKHABU THIANGTHO (BSI)

³⁶ Israelte Pathian, Lalpa ngei chu, tu leh kumtuang in maljawl in umzing ziang ta hen,” ti in.

1 KHANGTHU 16:36 ပူးပေါင်းရင်းမြစ်များ

1 LENGTE 8:15

Zia gual hin a gen a: “Ka pa David kiang ah a kam ngei ah a la thutep zosia a khut ngei ah suguitungpa, Lalpa, Israelte Pathian chu maljawl in um ta hen!

1 LENGTE 8:56

A thutep dungzui ah a mi Israelte kiang ah chawldamna pia ta, Lalpa chu pâk in um hen; a suak Mosi mangcha’ thutiam pha a la gen zosia lak ah thumal pakhat chale a thawn puai.

NEHEMIAH 8:6

Ezra in, Lalpa Pathian lopi tak chu a chawihoi ah, mipite chunle, “Amen, Amen,” ti ah dawnhu in a khut teu a jak ua. Chuleh, a luchang uh kûn in, a maichang ua lei tual si hial hial in Lalpa chu a ho tau a.

NEHEMIAH 9:5

Ziaphatchun, Levite, Jeshua, Kadmiel, Bani, Hashabneiah, Sherebiah, Hodiah, Shebaniah leh Pethahiah te chun, “Ding unla, Lalpa I Pathian uh chu kumtuang ah kipat kumtuang in pakcha tau in. Lalpa, la min lopi tak chu, maljawlna leh pâkna zosia chung ah choisa’n in um ta hen,” a hun ti tau a.

SAM 106:47

Aw Lalpa, ka Pathian uh, ei hukhing inla, namtin lak ah kipat in ei pui khawm kit in; la min thiangtho chu ka hun pâk ua, nangma pâkna chu ka kisuanpi theina ding un.

SAM 106:48

Lalpa, Israel Pathian chu, kumtuang ah kipat kumtuang tiang in pâk in um ta hen. Mi zosia’n, “Amen,” ti tau hen. Lalpa chu pâk tau in!

JEREMIAH 28:6

Jeremiah in zia gual hin a gen a: “Amen, Lalpa‘n zia gual chun hun bawl ngut hen; Lalpa‘n la thu gen gual ah chun hun bawl ngut hen la, Lalpa In ah ûm leh bêl tawh, Babulon lam ah sal ah pui mang ah um zosia kha zia mun ah hin hun tut kit mai ngut leh ka nuam na e!

1 KORINTH 14:16

Achutiloleh, thagau in kipak thu gen lechinle, a helote chun la kipak thugen helo ah, bangti’n, “Amen,” ti’thei ding a hiu em?

EPHESA 1:3

I Lalpau Jesu Khrista Pa leh Pathian chu pâk in um ta hen. Ama chun van mun ah te’n thagau lam maljawlna chitin in Khrista ah chun ei maljawl a,

1 PETER 1:3

I Lalpa Jesu Khrista Pathian leh, Pa chu pâk in um ta hen! Ama chun a hepina lopi tak in, mithi lak ah kipat Jesu Khrista thawkitna jal in, kinepna hing mu dingin hinna thak ei pia’n.