1 KHANGTHU 16:12 - PATHIAN LEKHABU THIANGTHO (BSI)

¹² A thilbawl lamdang takte chu hezing unla, a thilmak bawlte leh a vaihawmna kamsuakte chu hezing un.

1 KHANGTHU 16:12 ပူးပေါင်းရင်းမြစ်များ

1 KHANGTHU 16:13

Aw a suak Israel suante leh, a têlchuam Jakob chate haw.

1 KHANGTHU 16:14

Ama chu Lalpa I Pathian uh ahi’n, khawvel zosia ah vaihawmpa chu ahi.

SAM 103:2

Aw ka hinna, Lalpa pâk inla, la chung ah a phatna zosia kha hemil kin;

SAM 111:4

A thilbawl danglamte ziakin minthanna a law in; Lalpa chu hepina leh lainatna dim ahi.

SAM 119:13

La kam ah la vaihawmna thu pawt zosia chu ka mûk in ka hetsak tai.

SAM 119:137

Aw Lalpa, nang vang la dik in, la vaihawmte le a dik suak hi.

SAM 119:20

La dan thuguatte chu ka ngai in, ka hinna hi valzaw in a um zing hi.

SAM 119:75

Aw Lalpa, la thutannate a dik hi ti leh, la ginumna’n lei hi’genthei sek ahi, ti ka hechian tai.

SAM 19:9

Lalpa launa chu a thiangtho in, kumtuang a dai hi; Lalpa vaihawmnate chu a dik in, a dik suak hi.

SAM 77:11

Lalpa, la thilbawlte ngaitua zing ing ka tin; nidang lai ah la thilmak bawlte kha hezing ing ka.

SAM 78:43

Aigupta gam ah a tepte’na etsakte leh, Zoan phâijawl ah a thilmak bawlte kha le, a he ta puau hi.

PAWTDAWNA THU 13:14

Tu’nung phat leh la chateu in, “Zia hi bang ding ah kibawl a hem?” ti a hun dot phat ua leh, “Aigupta suak channa In ah kipat Lalpa’n a bân thahat ah ei puidok ziak leh,

PAWTDAWNA THU 13:3

Mosi’n mipite kiang ah chun, “Aigupta gam ah saltânna In a kipat la hung pawtdawna niu, zia nikhua hi hezing unla: bân thahât ah Lalpa’n zia gam ah kipat chu a hun puidaw la hiziak un, thawi kisaw vaithum la nêk him him lo ding uh ahi.

ROMTE 11:33

Pathian pilna leh hetna leh hau zia chu a thûkna lawm lawm e! A vaihawmnate chu hiat thei gual leh, a lampite chu sui thei gual a hi paw na e!

THUPUAN 16:7

Chun, mâichâm ah kipat a hun dawnhuna chu ka hia’n: “Ahi, aw Lalpa Pathian Bangkim Hi’thei, zia gual tak ah chun la vaihawmna chu, a fel in a dik ahi!” a ti ka he kit a.

THUPUAN 19:2

A vaihawmna chu a fel in, a dik ahi; ama chun nawchizuaknu lopi tak, a thanhuaina lei chung hi’buaknu chung ah chun vai a hawm a, a suakte phuba chu ama khut ngei in a la tai,” a tiu ka he.