1 KHANGTHU 15:29 - PATHIAN LEKHABU THIANGTHO (BSI)

²⁹ Lalpa Thuthung thingkuang chu David Khawpi a hun puak lut lai ua chun, Saul chanu Mikhal in tukvan ah kipat a vak et leh, Lengpa David lâm ah kichawm chu a vak mu ta’n; tichun, a lungthim tak ah chun a la japi gu ma ma ziang tai.

1 KHANGTHU 15:29 ပူးပေါင်းရင်းမြစ်များ

2 SAMUEL 6:16

Lalpa thuthung thingkuang chu David khawpi a hun puak tung phat un, Saul chanu Mikhal in tukvan ah kipat chun Lalpa ma-âng ah Lengpa David lâm ah kichawm chawm chu a vak mu phât in, a lungthim in a jachatpi tai.

1 KHANGTHU 15:28

Tichun, Israelte zosia chun, belam kîte, pengkulte, dakkhutbette, theile leh thilgithei gui neite tumgi kawm ah ngai tak ah kiko in, Lalpa Thuthung thingkuang chu a hun paw to tau ahi.

1 KHANGTHU 17:1

David chu ama In ah a chên lut phatin, David in jawlnei Nathan kiang in, “Keima sidar thing Insung in ka chêng ah, Lalpa Thuthung thingkuang chu lah puanbûk mai mai in a um hen,” ti’n a gen a,

SAM 149:3

Lâm pum in a min pâk uh hen la, khuangneu tawh tingtang in ama pâk in La sa tau hen!

SAM 150:4

Khuangneu tawh lâm kawm in pâk unla, tumgit leh mût git theite mang in pâk tau in!

SAM 30:11

Ka pûldona chu lim ah lâmna la chansak ta’n, ka saidip puan sil ei lipthâk piak in, kipakna’n lei thuam ta ahi;

PAWTDAWNA THU 15:20

Ziaphatchun, jawlneinu Miriam, Aron suapinu chun khuangneu a la’, numei zosia chun khuangneu chawi chiat ah lâm kawm in a hun zui ua:

THUGENTU 3:4

kâ hun a um ah, nui hun a um hi; lusûn hun a um ah, lâm hun a um hi;

JEREMIAH 3:16

Chuleh, zia gam ah hin la hung pun ua, la hung tam phat uh leh, kuama’n, “Lalpa thuthung thingkuang,” ti thu gen ta pua’n tiu in, a lung unle gêl talo in, hetphâk inle um ta pua’n tin, siam kit le hi diak ta pua’n a.

JEREMIAH 30:19

Ziate ah kipat chun kipak thugenna leh, kichawlimna husa hung pawt in a. Mi tam tak hiding in hun hi’pung ing ka tin, tawm them hita pua’n au; ja’um tak in siam ing ka tin, musit um hita pua’n au.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

KISIMNA LEKHABU 10:33

Chutichun, Lalpa tâng ah kipat in a kipandok un, Lalpa thuthung thingkuang a ma lam un giamun kitûpna mun hawl lawk dingin ni thum lam in a jawn un;

NASEPTE 2:13

Himaleh, khenkhat in a nuisan un, “Uain thak kham a hiu hi,” a tiu a.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

2 KORINTH 5:13

Ka ngol uh leh Pathian â ding ahi’n, ka pil uh leh nang uh â ding ahi.

DAN LEKHABU 31:26

“Zia dan lekhabu hi la unla, la chungthuu ah hiatpitu dingin Lalpa la Pathian uh thuthung thingkuang kiang ah chun koi tau in.

HEBRAITE 9:4

zia chun gimtui hâlna sana bêl, thuthung thingkuang, sana tui ah luan khum chu tawh, a sung ah manna koina sana bêl tawh, Aron tiang seldok kha tawh, thuthung suangpêkte a um a.

JOSHUA 4:7

Lalpa thuthung thingkuang ma-âng in Jordan lui tuite a kangtan in; chuleh, Jordan lui a jawn gâlkai lai un Jordan lui chu a kangtan hi, ti hil in la tiu in. Chutichun, zia suangte hi Israelte â ding ah kumtuang ah hetzingna hita’n a,” a tia.

VAIHAWMTE 20:27

Tichun, Israelte’n Lalpa a dong tau ah, (zia hun ah chun Pathian thuthung thingkuang chu zia mun ah chun a um a;

1 SAMUEL 25:44

Saul chanu, David ji Mikhal kha, Gallim ah um Laish chapa Palti tawh a la kichensak man tai.

1 SAMUEL 4:3

Sepaite giamun a hung tun kit phat un Israel upate chun, “Bang dingah Lalpa chun Philistinte âng ah ei sumualpho ziang ahi ta dia aw! Shiloh ah Lalpa thuthung thingkuang chu vala’n, zia hin koi hitiu, I lak ua a hung pan ah, I mêlmateu thilhitheina kipat ei hukdaw khâk leh,” a tiu a.