1 KHANGTHU 15:15 - PATHIAN LEKHABU THIANGTHO (BSI)

¹⁵ Lalpa‘n Mosi kiang ah thu a la piak dungzui in, Pathian thuthung thingkuang chu Levite chun a jawnna jawl ah chun a liangko un a jawn tau hi.

1 KHANGTHU 15:15 ပူးပေါင်းရင်းမြစ်များ

KISIMNA LEKHABU 4:15

Giamun a kichawn ding phat ua leh, Aron tawh a chapate chun mun thiangtho leh a sung ah matchâk zosia a tuam zaw phat ua leh, Kohath chapate chu a jawn dingin hung intiu in; ahi’n la, thilzek thiangthote chu a sukkhak lo ding uh ahi; achutiloleh, thi ziang kha’n au. Ziate chu kikhopna biakbûk, Kohath chate puak sek dingte chu a hiu.

KISIMNA LEKHABU 7:9

Himaleh, Kohath chate chu bangma a pia puai; amau mawpuakna chu thilzek thiangthote a liangko ua puak ding bep ahi ziakin.

2 KHANGTHU 5:9

A jawnna jawlte chu a sau ma ma ziakin, mun thiangtho pen ma-âng jawn ah, mun thiangtho pindan ah kipat chun a mongte chu a mu’phâk ah; himaleh, In pawlam ah kipat chun vang aki mupha puai; a jawlte chu tu’ni tiang hin zia mun ah chun a um den tai.

1 LENGTE 8:8

A jawlte chu a sau bêk ziakin a jawl mongte chu, mun thiang sungnung mai ah mun thiangtho ah kipat chun a muthei hi; ahi’n la, pawlam in a kimuthei puai; ziate chu tu’ni tiang in zia tak ah chun a um zing tau hi.

PAWTDAWNA THU 40:20

Thuthung zikna suangte chu a la’n, thuthung thingkuang sung ah chun a koi ah, thuthung thingkuang jawnna ding molte chule a thun ah; ja’ngaina chutpha le a chung in a koi a;

2 SAMUEL 6:13

Pathian thuthung thingkuang jawnte chun kãl guk a suan si’n ua leh bawngchal pakhat leh gancha kivakthau pakhat jel kithoina’n a that jel hi.

1 KHANGTHU 13:10

Lalpa lungnatna chu Uzzah chung in a hung kuangjak phut ta’n, Thuthung thingkuang a sukkhak ziak ah chun a that ta’n; zia tak ah chun Pathian âng in a thi dap del ziang tai.

DAN LEKHABU 10:8

Zia hun lai ah kipat tuchan in, Lalpa thuthung thingkuang jawn ah, Lalpa ma-âng ah ding ah, a nasêm ding leh a min ah maljawlna gen dingin Levi phungte chu a guat chuam tai.

2 SAMUEL 6:12

Pathian thuthung thingkuang ziakin Obed-edom chanaute leh a nei a lamteu chu Lalpa‘n a malzawl hi, ti Lengpa David kiang ah a hil tau a. Tichun, David chu a kuan ah, Obed-edom In ah kipat Pathian thuthung thingkuang chu David Khawpi ah kipak tak in a vapaw ta’n;