1 KHANGTHU 13:6 - PATHIAN LEKHABU THIANGTHO (BSI)

⁶ Chun, David tawh Israel mipi zosia chu Baa-lah, zia chu, Kiriath-jearim kiti, lam ah, Judai gam ah chun a chia to tau a; tichun, Pathian Thuthung thingkuang, Kiriath-jearim ah kipat chun, cherubte chung ah Lalpa chutna chu pawdok dingin a kuan to tau,

1 KHANGTHU 13:6 ပူးပေါင်းရင်းမြစ်များ

1 LENGTE 8:16

Ama chun ‘Ka mipi Israelte Aigupta gam ah kipat ka puidaw ni kipat in, ka In sakna ding leh ka min umna dingin, Israel namte lak ah khawpi khat chale ka la têl chuam puai; ahi’n la, ka mi Israelte chung ah um dingin David ka la têl in,’ a la ti’n.

2 LENGTE 19:15

Hezekiah chu Lalpa kiang in a pauchap ah, zia gual hin a gen a: “Aw Lalpa, Israel Pathian, cherubte chung ah Lalchutpha chupa, Nangma hi Pathian chu la hia, nang bep chu la hi lei ah lenggam zosia chung ah vaihawmpa chu: Nang in van leh lei hi la siam ahi ngal a.

SAM 80:1

Aw, Israelte vengpa, belam hon gual ah Josephte puipa, la bil hun daw in! Nangma cherubte chung ah kichupa, hung vakdok inla,

SAM 99:1

Lalpa chu leng ahi; nam zosia’n lau in kilîng tau hen! Cherubte chung ah lal in a chu hen, lei hi kithing ta hen!

PAWTDAWNA THU 20:24

Keima â dingin lei ah hin mâichâm ei siam piak inla, zia chung ah chun la hâlmang thillatteu leh la kichamna thillatteu, la belamteu leh la bawngteu la hun lat sek diu ahi: ka min hetzingna taphot ah chun hung ing ka tin, hun maljawl ding ka hi’ngal a.

PAWTDAWNA THU 23:21

Ama thu chu ngaisak inla, a thu mang in: hilungna kin la, ama’n la bawlkhialnate chu hun ngaidam lo hial ding ahi ngal in: ka min le ama ah chun a um ngal a.

PAWTDAWNA THU 25:22

Zia tak ah chun nang hun kituakpi ing ka tin, ja’ngaina chutpha chung, thuthung thingkuang chung ah Cherub panite kikâl tak ah chun Israelte kiang ah ka thupiak dingte zosia chu la kiang in hun pia ding ka hi.

ISAI 37:16

“Aw, sepai honte Lalpa, Cherubte chung lam ah lal chutpha kichu Israelte Pathian, lei chung lenggam zosia lak ah nangma bep hi Pathian la hi; nang in lei leh van hi la siam a.

KISIMNA LEKHABU 6:27

Tichun, ka min Israelte chung ah nga’n tin uh; chuleh, amau hun maljawl ding ka hi.

KISIMNA LEKHABU 7:89

Chun, Mosi chu Lalpa tawh kiho ding ah kikhopna puanbûk ah a chia phatin, thuthung thingkuang chung ah ja’ngaina chutpha, Cherub panite kikâl ah kipat in ama a hun hona aw gi chu a he ta’n; tichun, a kiho tau a.

JOSHUA 15:60

Kiriath-baal (zia chu, Kiriath-jearim ahi), leh Rabbah: khawpi pani, a khawpelteu gel tawh a hiu ah.

JOSHUA 15:9

chuleh, gamgi chu tângvûm ah kithung pek in, Nephtoah lui tuite nâk hun sun in, zia kipat chun Ephron tâng lam ah khawpite hun haw malam in, zia kipat chun Baa-lah (zia chu, Kiriath-jearim a hi’n) lam in a hung kawi ah;

JOSHUA 9:17

Tichun, Israelte chu a kuan ua, a ni thum ni chun a chênnau khawpite chu a vatung tau ah; a khawpiteu chu Gibeon, Kaphirah, Beeroth leh Kiriath-jearim te hi a hiu a.

1 SAMUEL 4:4

Tichun, Cherubte chungah kitung, sepai honte Lalpa thuthung thingkuang Shiloh ah um vapaw dingin mi a sawl tauah. Pathian thuthung thingkuang chu Eli chapa, Hophni leh Phinehas in a hun kitonpiu a.

1 SAMUEL 6:21

Tichun, Kiriath-jearim lam in thangko a sawl un, “Philistinte’n Lalpa thuthung thingkuang a hung thak kit tau hi. Hung suk unla, hung kilâk un,” ti’n a vagen tau hi.