1 KHANGTHU 13:5 - PATHIAN LEKHABU THIANGTHO (BSI)

⁵ Tichun, David in Israel mipi zosia chu Aigupta gam ah Shihor ah kipat in Lebo-hamath tiang in a ko khawm ah, Kiriath-jearim ah kipat Pathian Thuthung thingkuang chu hung paw lut kit dingin a kisingsa tau hi.

1 KHANGTHU 13:5 ပူးပေါင်းရင်းမြစ်များ

2 SAMUEL 6:1

David in Israelte lak ah kipat a têlchuam, mi sâng sawmthumte chu a ko khawm kit a.

1 LENGTE 4:21

Solomon in Euphrates ah kipat Philistinte gam zosia, Aigupta gamgi tiang ah lenggamte zosia chung in vai a hawm ah; amau chun Sia’ a hun chawi ua, Solomon dam sung sia’n a na a sep piak tau hi.

1 LENGTE 8:65

Tichun, zia hun ah chun Solomon leh Israelte kikhawm a kiang ah um zosiate chu, Lebo-hamath ah kipat leh Aigupta lui tiang ah kipat mipi hungte chu tawh, Lalpa I Pathian uh âng in kût ni sagi sung a mang tau a.

2 LENGTE 25:21

A tun phat un, Babulon Lengpa chun a mi puite chu a la that ah, Hamath gam ah Riblah mun ngei ah chun a la that sik sek tai. Zia gual tak ah chun Judah chu a gam ua kipat in puak daw in a um tau hi.

1 KHANGTHU 13:4

Zia a thugen chu mipi zosia lung lam tak ahiziak in, mipi kikhawm zosia chun a ti gual ah chu bawl dingin lem a sa tau hi.

1 KHANGTHU 13:6

Chun, David tawh Israel mipi zosia chu Baa-lah, zia chu, Kiriath-jearim kiti, lam ah, Judai gam ah chun a chia to tau a; tichun, Pathian Thuthung thingkuang, Kiriath-jearim ah kipat chun, cherubte chung ah Lalpa chutna chu pawdok dingin a kuan to tau,

1 KHANGTHU 15:3

David in Israelte zosia chu Jerusalem khua hung khawm ah, a umna ding mun a siamna chu Lalpa thuthunna thingkuang paw lut dingin mi a ko khawm a,

ISAI 23:3

tuipi lian tak chung in a um un; la sum nâk chu Shihor bute leh, Nail lui ah bu kila khawmte chu a hiu a; namtin kiang in la kivei hi.

JEREMIAH 2:18

Chuti ahileh, Aigupta gam ah la chiau chu, Nail tuisik dawn bep lo ngâl, bang dang phatchuamna la muu em? Ahiloleh, Assuria gam ah la chiau chu, Euphrates tuisik dawn bep lo ngâl, bang dang phatchuamna la muu em?

JOSHUA 9:17

Tichun, Israelte chu a kuan ua, a ni thum ni chun a chênnau khawpite chu a vatung tau ah; a khawpiteu chu Gibeon, Kaphirah, Beeroth leh Kiriath-jearim te hi a hiu a.

1 SAMUEL 6:21

Tichun, Kiriath-jearim lam in thangko a sawl un, “Philistinte’n Lalpa thuthung thingkuang a hung thak kit tau hi. Hung suk unla, hung kilâk un,” ti’n a vagen tau hi.

1 SAMUEL 7:1

Tichun, Kiriath-jearim khua mite chu a hung suk un, Lalpa thuthung thingkuang chu a hung kilâk to un, tânggam ah Abinadab In ah a koi tau a. A chapa Eleazar chu Lalpa thuthung thingkuang enkol dingin a suthiangtho tau hi.

1 SAMUEL 7:2

Kiriath-jearim-ah thuthung thingkuang chu hun sawt tak, kum sawmni ding vêl a kikoi zaw nung in, Israel mipite zosia’n Lalpa a hun thangai pan kit tau ahi.