1 KHANGTHU 13:1 - PATHIAN LEKHABU THIANGTHO (BSI)

¹ David in a sepai sang khat chung ah thuneite, za khat chung ah thuneite leh hotu zosia chu a ngaidan uh a dong chiat a.

1 KHANGTHU 13:1 ပူးပေါင်းရင်းမြစ်များ

2 SAMUEL 6:1

David in Israelte lak ah kipat a têlchuam, mi sâng sawmthumte chu a ko khawm kit a.

2 LENGTE 23:1

Lengpa chun mi a sawlah, Jerusalem ah Judah upate zosia chu a hun ko khawm ua.

1 KHANGTHU 12:14

Zia Gad phung ah mite hi sepai hat leh hangsante lak ah hotu ngen a hiu ah; a lak ua a jawngkhal pente hile sepai za khat tuk a hiu in, a hat pente vang hi sepai sang khat tuk a hiu.

1 KHANGTHU 12:20

Ziklag lam zuan ah a kile’kit lai ah Manasseh te lak ah ama lam ah hung kipete chu ziate hi a hiu: Manasseh sepai sang khat chung ah hotu a la pangte Adnah, Jozabad, Jediael, Mikael, Jozabad, Elihu leh Zillethai a hiu.

1 KHANGTHU 12:32

Issakhar phung ah mi, hunbî hethiam leh, Israelte’n bang a bawl ua pha a hem ti hethei mi ngen, hausa za ni leh amau thuzawsa ngen a chanauteu zosiau tawh a hiu.

1 KHANGTHU 12:40

Chuleh, Israel gam ah kipakna nasa tak a um tak ziakin, a unauteu Issakhar tawh Zebulun tawh Naphtali lam pek ah kipat in, sa leh bu, theiga, grep ga, uain tawh sathau haw chu tam tak, sabiltungte, sangawngsaute, sakolte a hun puaksak un, bawngchal leh belamte natiang a hun tawl suk tau hi.

1 KHANGTHU 13:2

Israel mipi kikhawm zosia kiang ah chun David in, “Nanghaw’n pha lasak ua, Lalpa I Pathian unle lem ei sakpi lam ahi nâk chun, Israel gam ah um nalai, I chanauteu leh thiampute leh Levi mite zosia, khawpi huap sung ah gancha tatna nei ah chêng zosia chu, I kiang ua a hung khawm theina ding ua, va ko khawm dingin mi sawljak hitiu in.

2 KHANGTHU 1:2

Solomon in sepai sang khat chung ah hotute, za khat chung ah hotute, vaihawmte, Israelte chung ah hotute tawh Israel Inkuan tin ah pate zosia chu a ko khawm a;

2 KHANGTHU 29:20

Ziaphatchun, Lengpa Hezekiah chu jingkal ma tak in a tho ah, khawpi sung ah a milian leh lalte zosia a ko khawm ah, Lalpa In lam zuan in a chia to tau a.

THUPILTE 15:22

Kikuptuana pil umlona chun thil guanggalte a lawsam sek in; kikuppi ding tamna chun vang thil guanggalte a lawting sek hi.

MATTHAI 25:16

Talent nga changpa chu a kuandok ngal a, sumkawl a vavei ah, talent nga dang a vaveipung a.