1 KHANGTHU 12:40 - PATHIAN LEKHABU THIANGTHO (BSI)

⁴⁰ Chuleh, Israel gam ah kipakna nasa tak a um tak ziakin, a unauteu Issakhar tawh Zebulun tawh Naphtali lam pek ah kipat in, sa leh bu, theiga, grep ga, uain tawh sathau haw chu tam tak, sabiltungte, sangawngsaute, sakolte a hun puaksak un, bawngchal leh belamte natiang a hun tawl suk tau hi.

1 KHANGTHU 12:40 ပူးပေါင်းရင်းမြစ်များ

2 SAMUEL 16:1

Chun, David in tângvûm a lêp phatin, Mephibosheth suakpa Ziba chun, sabiltung tuak bang zat a hem in a puak uh, vaithum chûn za ni leh, grep ho chûn za khat tawh, nipithei gamin thak za khat tawh, uain thawl khat dim in a la lamtua a.

1 LENGTE 1:40

Mipi zosia’n lilute mût in lim leh kipak tak in a zui to tau ah, a husa git chun lei a thawng hial hi.

2 LENGTE 11:20

Tichun, gam sung ah mipite zosia chu a lim ma ma tauah; lengpa In ah Athaliah a thalup zaw phat un khawpi chu a thip tai.

1 KHANGTHU 12:39

A chanauteu in a nêk ding uh a la ngaitua piak zawsau ahiziak in, David kiang ah chun ni thum sung ne leh dawn in a um tau hi.

1 KHANGTHU 13:1

David in a sepai sang khat chung ah thuneite, za khat chung ah thuneite leh hotu zosia chu a ngaidan uh a dong chiat a.

1 KHANGTHU 29:22

tichun, zia ni chun nasa takah kipak kawm in, Lalpa kiang ah chun ne leh dawn in a um tau hi. David chapa Solomon chu leng dingin a siam kit ua; ama chu Lalpa â ding ah milian hiding leh, Zadok chule thiampu hiding in, sathau a nu’ tau hi.

THUPILTE 11:10

Midik in vangphatna a don phat leh, khawpi sung ah mite a kipak sek un; mi nunsia a thi phat leh mite’n a awi-âm sek ui.

THUPILTE 29:2

Midikte thunei ah a pan phat ua leh mipi a kipak sek un; ahi’n la, migilo in vai a hawm phat leh mipi a thûm sek ui.

HOSEA 3:1

Lalpa‘n ka kiang in, “Chia inla, Israel mite’n pathian dang kiang lam ah ei kiheisan in, grep ho vaithumte ngaina ziang maleu, Lalpa‘n amau a hepi tei tei gual in, jawlsai leh ângkawm lai numei pakhat vahepi in,” a ti kit a.

1 SAMUEL 25:18

Ziaphatchun, Abigail in kin tak in vaithum za ni, zu thawl ni, belam panga sa kihaiminsa tawh, changpêl phâilel dim nga, grep-ho bawk za khat tawh theipi vaithum pei za ni chu sabiltung puaksak in,