1 KHANGTHU 12:39 - PATHIAN LEKHABU THIANGTHO (BSI)

³⁹ A chanauteu in a nêk ding uh a la ngaitua piak zawsau ahiziak in, David kiang ah chun ni thum sung ne leh dawn in a um tau hi.

1 KHANGTHU 12:39 ပူးပေါင်းရင်းမြစ်များ

THILSIAM THU 26:30

Tichun, ama chun luaithe’na a siam piak ah, ne leh dawn khawm in a um tau a.

THILSIAM THU 31:54

Chuleh, Jakob in tâng ah chun kithoina a siam ah, a chanaute chu vaithum ne dingin a ko ah, vaithum ne zo in, tâng ah chun a giak tau a.

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

2 SAMUEL 19:42

Judah mipite zosia chun Israel mipite kiang in, “Lengpa hi ka chanau kinaipiu ahi. Zia thu ah hin bang ding ah lungna la hiu em? Lengpa neisa bang ka neu ah a hem? Ama’nle bang ei pia chuam sâm ah a hem?” a tiu a.

2 SAMUEL 6:19

Israel mipi zosiate kiang in, a numei a pawsal kidang lo in, mi tin kiang in vaithum tang khat tawh, sa bâk khat tawh grep ho vaithum tâng khat chiat a hawm a. Ziazaw chun, mipite zosia chu a In lam chiat un a chia kit tau hi.

1 KHANGTHU 11:10

Israelte chung thu ah Lalpa thupiak gual ah David leng ah a pansakna ding thu; Israelte tawh pang khawm David sepai hangsante lak ah hotu, nasa tak ah lenggam tundinna ding ah ama a la panpite chu ziate hi a hiu.

1 KHANGTHU 12:38

Zia sepai hangsante hi gâldo ding ah kisazosa’n, Israel zosia chung ah leng ah pang ding ah, lungthim thiangtho tak ah David tundin gua’n Hebron khua chun a hung tau ah; zia gual ma chun, Israel mipi dang zosia chule lung kigual tak ah David chu leng ah tundin gua’n a pang chiat tau hi.

1 KHANGTHU 12:40

Chuleh, Israel gam ah kipakna nasa tak a um tak ziakin, a unauteu Issakhar tawh Zebulun tawh Naphtali lam pek ah kipat in, sa leh bu, theiga, grep ga, uain tawh sathau haw chu tam tak, sabiltungte, sangawngsaute, sakolte a hun puaksak un, bawngchal leh belamte natiang a hun tawl suk tau hi.