1 KHANGTHU 12:38 - PATHIAN LEKHABU THIANGTHO (BSI)

³⁸ Zia sepai hangsante hi gâldo ding ah kisazosa’n, Israel zosia chung ah leng ah pang ding ah, lungthim thiangtho tak ah David tundin gua’n Hebron khua chun a hung tau ah; zia gual ma chun, Israel mipi dang zosia chule lung kigual tak ah David chu leng ah tundin gua’n a pang chiat tau hi.

1 KHANGTHU 12:38 ပူးပေါင်းရင်းမြစ်များ

1 LENGTE 8:61

Ziaziakchun, tu’ni gual hin, a thugelte zui ding leh, a thupiakte mang dingin Lalpa I Pathian kiang ah la pum un kilândok tau in, ti in.

EZEKIEL 11:19

Lungthim thak pia’ng ka tin, a lunggil un thagau thak pakhat koi ta’ng ka; suang tawhbang ah tâk a taksau ah kipat lungchang chu ladok in, taksaphe gual ah nêm lungchang chu pia ta’ng ka tin;

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

2 KHANGTHU 30:12

Judai gam ah mite chung ah Pathian in na a sep ziakin, lengpa leh a khawnbawlte chun Lalpa thugen dungzui ah thu a piakteu chu, lungthim kithu gual tak ah zui dingin a hung kipe tau a.

1 KHANGTHU 12:33

Chuleh, Zebulun phung ah kipat in, gâldo dan thiamsa ngen leh gâlvan bukim mangtheisa ngen, lungthim thua bei ah David panpi gua ngen mi sîng nga le a hiu hi.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

1 LENGTE 11:4

Solomon a hung têk phatin, a jite’n a lungthim chu pathian dangte lam in a heimang tau ah; a pa David lungthim dik gual ah khan a lungthim chu Lalpa a Pathian lam in a dik ta puai.

1 KHANGTHU 12:37

Reuben leh Gad leh Jordan gâl langkhat lam ah Manasseh phung kimkhat lak ah kipat in, gâlvan chikim mang thei ah kizil thiamsa ngen nuai khat leh sîng ni a hiu hi.

1 KHANGTHU 12:39

A chanauteu in a nêk ding uh a la ngaitua piak zawsau ahiziak in, David kiang ah chun ni thum sung ne leh dawn in a um tau hi.