1 KHANGTHU 12:18 - PATHIAN LEKHABU THIANGTHO (BSI)

¹⁸ Ziaphatchun, Sawmthumte lak ah hotu Amasai chu thagau in a hun thuam ah, zia gual hin a hun gen tai: “Aw David, nang â ka hiu hi; Aw Jesse chapa, nang lam ah pang ka hiu! La chung ah thamuanna, thamuanna tung ta hen la, nang hun panpite chung inle thamuanna tung ta hen! La Pathian chu a hun panpipa ahi ngâl a,” ti in.

1 KHANGTHU 12:18 ပူးပေါင်းရင်းမြစ်များ

2 SAMUEL 15:21

Himaleh, Ittai chun, lengpa kiang in, “Lalpa hinna leh ka lalpa sâl in ka kitiam ahi, lengpa, ka lalpa chiana taphot ah chun thi’na ding hi’n hinna ding hilehle, la suak hin hun zui ding ka hi,” ti’n a dawnhu a.

2 SAMUEL 17:25

Absalom in a sepai hotu lianpen Joab thasâng in Amasa chu a pansak a. Amasa chu Ishmael mi Ithra chapa ahi. A nu chu Joab nu, Zeruiah suapi Nahash chanu Abigail ahi.

2 SAMUEL 19:13

Chuleh, Amasa kiang inle, ‘nang hile ka chanau kinaipi hilo la hem? Tu’ kipat hin, Joab thasâng ah ka sepaite hotu lianpen ah ka hun pansak lo ngei ngei leh, Pathian in a nop nop ei law mai zaw hen,’ vatiu in,” ti’n a sawl a.

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

1 LENGTE 9:22

Himaleh, Israel chate lak ah mi vang Solomon in suak in a mang puai; amau haw chu sepaite a hiu ah, a miliante, a sepai hotu liante a sepai hotute leh a sakol kângtalai lam leh sakol chungchuang sepaite lamah hotute a hiu hi.

2 LENGTE 10:15

Zia mun chu a nutsia phatin, Rekab chapa Jehonadab, ama lamtua ding ah hung chu a kimupi ah; ama chu chibai bûk in, a kiang in, “Ka lungthim nang â dingah a lamzang gual in, nang lungthim le kei â dingin a lamzang na em?” a tia. Jehonadab inle, “A lamzang hi,” a tia. Jehu chun, “Ahileh, la khut ei pia’n,” a tia. Tichun, a khut chu a vak pia ta’n. Jehu chun a kângtalai chung in a kaldawpi tai.

2 LENGTE 10:5

Tichun, lal In sung ah hotupente leh khawpi vaihawmte chun, upate leh nau enkolte chu tawh kithua in, Jehu kiang ah thu a thot tauah: “Kei uh hi la suakte ka hiu hi; la gen taphot bawl ing kau. Kuamacha leng dingin siam pua’ng kau; nang in pha lasak taphot bawl ziang in” ti in.

2 LENGTE 9:32

Tukvan lam chu a en to ah, “Kua a hem kei lam ah pang? Kua la um awm?” a tia. Mi kiget pani pathum a hung dakdok ua.

1 KHANGTHU 11:11

Zia David sepai hangsante chu: Hakhmoni suan ah mi Jashobeam chu hotu pathumte lak ah a lianpen ahi’n; zia mipa hin khatvei thu in a cheicha’n mi za thum a that hi.

1 KHANGTHU 12:17

amau lamtua dingin David a vachia ah, a kiang un, “Kei lamah pang ah, ei panpi ding ah hung la hiu leh, ka lungthim zosia’n hun pom ziang ing ka tin; himaleh, ka mêlmate kiang ah ei zuak dingah hung la hiu leh vang, la chung un ka khut tha lo malengle, I pu leh pateu Pathian chun hun muchian hen la, vaihawm ta hen,” ti’n a gen a.

1 KHANGTHU 2:17

Abigail in Amasa a hing a; Amasa pa min chu Jether ahi’n, ama chu Ishmael mi ahi.

ISAI 59:17

Diktatna chu awmphaw gual in a âk a, a luchung in hukdamna thîk lukhuk a khuk hi; phuba lâkna chu sil leh chên gual ah, kithuamna’n a mang a, hachang thakna chun a kithuam hi.

ZEKARIAH 8:23

Sepai honte Lalpa chun zia gual hin a gen hi: Ziaphat chuleh, chitin leh pautin ah kipat pawsal sawmkhat jel in Judah mi pakhat a puanchual ah man in, “Hun zui ing kau, Pathian in a hun umpi hi ti ka he ngal un hun ti ta’n au,” ti hi.

MATTHAI 12:30

Kuale keima lam ah pang lo chu ei do ahi’n; kuale ei lakkhawmpi lo chu ei thejak piak ahi.

GALATIA 6:16

Zia dan gual ah um tapote chung ah chun chamna leh jangaina um ta hen.

VAIHAWMTE 13:25

Zorah leh Eshtaol kikâl ah Mahaneh-dan ah chun Lalpa thagau in a hun thuam pan tai.

VAIHAWMTE 3:10

Lalpa thagau a chung in a um ah, Israelte chung in vai a hawm tai; gâl do in a kuandok ah, Lalpa chun Aram ah lengpa Kushan-rishathaim chu a khut in a pia tai; chuleh, a khut in Kushan-rishathaim chu a zo tai.

VAIHAWMTE 6:34

Himaleh, Lalpa thagau in Gideon chu a thuam ta’n; tichun, pengkul a mût ah, Abiezar phung ah mite chu a nungzui dingin a ko khawm tai.

RUTH 1:16

Ahi’n, Ruth in: Nang nusia dingin ei sawl kin la, nangma zui talo ding ah, chia kit dinginle ei sawl diak kin! La chia chiana chia’ng ka tin, la giak giakna giak ing ka tin, la mite chu ka mite hi’ntin uh, chuleh, la Pathian chu ka Pathian hi hen.

1 SAMUEL 16:4

Lalpa thupiak gual in Samuel inle a bawl ah, Beth-lehem a hung tung ah. Khawpi sung ah upate chu lau ah kithing kawm kawm in a kiang in a hung un, “Thamuanna thu ah hung la hi em?” a la tiu a.

1 SAMUEL 16:5

Ama chun, “Thamuanna thu hi e; Lalpa kiang ah kithoina lân ding ah hung ka hi; kisuthiangtho unla, kithoina mun lam ah chia in kiton hitiu,” a tia. Tichun Jesse leh a chapa chu kisuthiangtho dingin a chial tai.

1 SAMUEL 22:7

Saul in a kiang ah ding sepaite kiang ah chun, “Ngai un, nanghaw Benjaminte haw, Jesse chapa hin lou leh grep huante hun pia’n, sepai sang khat chung ah te, za têl chung ah te hotu hun siam ding a hem?

1 SAMUEL 24:12

Nang leh kei kikâl thu Lalpa‘n vaihawm mai ta hen! La chung ah ka khut ka thâk lo ziak hin a nop leh Lalpa‘n ka chung ah phuba la zaw mai hen!

1 SAMUEL 24:13

Malai thupil in, thil phalo chu mi phalote’n a bawl sek ui, a la tiu ah; ka khut hivang la chung ah tha lo ding ka hi.

1 SAMUEL 24:16

David in zia thute chu Saul kiang ah a gen zaw phatin, Saul in, ka chapa David, zia thugen chu nangma aw ahi em? a tia. Saul chu ngai tak ah kiko in, a kap tai.

1 SAMUEL 8:12

a khenkhatte chu sepai sang khat chung ah hotu dingte, sawmnga chung ah hotu ding bang in mang intin; a lak ua khenkhat chu a lou bawl ding, a bu-ât ding, a gâlvan bawl ding leh a sakol kângtalai siam ding bang in hun gawi ding ahi.