1 KHANGTHU 11:3 - PATHIAN LEKHABU THIANGTHO (BSI)

³ Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

1 KHANGTHU 11:3 ပူးပေါင်းရင်းမြစ်များ

2 SAMUEL 2:4

Ziaphatchun, Judah mipite chu a hung khawm tau a, zia mun ah chun Judah Inkuante chung ah Leng hidingin David chu sathau a nu’ tau hi. David in, “Saul kha Jabesh-gilead ah mite’n a la vui tau hi,” ti a het phat in,

2 SAMUEL 5:3

Tichun, Israel upate zosia chu Hebron ah lengpa kiang in a hung ua; Hebron ah chun Lengpa David in Lalpa ma-âng in a kiang un thuthung a siam tai; chuleh, amau inle David chu Israelte chung ah leng ah pang dingin sathau a nu’ tau hi.

2 SAMUEL 5:5

Hebron ah chun Juda mipite chung ah kum sagi leh tha guk vai a hawm ah; chuleh, Jerusalem ah chun Israel mipite leh Juda mipite zosia chung in kum sawmthum leh thum sung vai a hawm hi.

2 LENGTE 11:17

Jehoiada chun, Lalpa leh lengpa, chuleh mipite kikâl in leng ahi’na ding thuthung a bawl ta’n, amau chu Lalpa mite ahi’na ding un.

2 LENGTE 23:30

Megiddo ah kipat chun a suakte chun a sakol kângtalai in Jerusalem a hun paw tung ua, ama thân in a vui tau hi. Ziaphatchun, mipite chun Josiah chapa Jehoahaz chu a hun pui ua, sathau a nuu’ ah, a pa thasang ah Leng in a pansak tau hi.

1 KHANGTHU 11:10

Israelte chung thu ah Lalpa thupiak gual ah David leng ah a pansakna ding thu; Israelte tawh pang khawm David sepai hangsante lak ah hotu, nasa tak ah lenggam tundinna ding ah ama a la panpite chu ziate hi a hiu.

2 KHANGTHU 23:3

Mipi hung khawmte chun Pathian In sung ah chun Lengpa tawh thuthung a siam tau a. Jehoiada chun a kiang un: “Zia hin lengpa chapa a um hi! David suan ah mite chun vai a hawm diu ahi, ti Lalpa‘n thutiam a la bawl dungzui in, ama hi vaihawmsak hitiu.

VAIHAWMTE 11:11

Ziaphatchun, Jephthah tawh Gilead khua upate chu a kiton tau a; chuleh, Gilead khua mite chun ama chu a hotu leh a puitu ding un a guat tau a; chuleh, Jephthah chun Mizpah mun ah Lalpa ma-âng in a thugen zosiau chu a puangjak tai.

1 SAMUEL 11:15

Tichun, a leng un Gilgal ah chun a chiau ah; chuleh, Gilgal ah chun Saul chu a lengpau hi dingin Lalpa âng ah chun a bawl tau a. Zia tak ah chun Lalpa kiang ah kichamna thillat a lân ua, Israel mipi zosia tawh Saul chu a kipak ma ma tau hi.

1 SAMUEL 15:28

Samuel in a kiang ah chun, “Tu’ni ma ma hin Lalpa‘n Israel lenggam chu a botthêk ta’n, nang sâng ah phazaw, la Invêngte lak ah midang khat kiang in a pedok tai.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:3

zia kithoina chu pang dingin Jesse ko inla; chuleh, la bawl ding hun hil ing ka; a min ka hun hil pen pen chu kei â dingin sathau la nu’ ding ahi,” a tia.

1 SAMUEL 23:18

Tichun, amau teni chun Lalpa âng ah thuthung a siam un; David chu Horesh ah a um den ah, Jonathan chu In lam in a chia kit tai.

1 SAMUEL 28:17

Ka kiang ah a gen dungzui in, Lalpa‘n la chung in a hun bawl ta ahi; la lenggam chu la khut ah kipat in Lalpa‘n a hun lak piak in, la Invêngpa David kiang in a pia zaw ta ahi.