1 KHANGTHU 11:2 - PATHIAN LEKHABU THIANGTHO (BSI)

² Hun sawt tak a hita’n, Saul kha lengpa ahi lai ah kipat khan, nang hi Israelte sepai hotu lian in la la pang ta’n. Lalpa la Pathian chun la kiang in: ‘Nang hi ka mipi Israelte enkoltu ding leh, ka mipi Israelte chung ah vaihawmtu ding chu la hi,’ a la ti’sa ahi,” a hung ti tau.

1 KHANGTHU 11:2 ပူးပေါင်းရင်းမြစ်များ

2 SAMUEL 5:2

Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

2 SAMUEL 7:7

Israel mipite lak ah ka um tawl tawlna taphot ah hin, ka mipi Israelte chingtup ding ah nam upate pakhat cha kiang inle, ‘Ka chênna ding sidar thing In bang ziak ah ei sak piak lo la hiu em?’ ka la ti ngai puai.

1 LENGTE 14:7

Chia inla, Jeroboam kiang in, ‘Lalpa, Israelte Pathian in zia gual hin a gen hi: Zia gual khop hin mipi lak ah kipat in ka hun chawilian ah, ka mi Israelte chung ah leng hiding in ka hun bawl a.

1 LENGTE 3:9

Ziaziakchun, la suak hi la mipite chung ah a dik leh diklo ka khendan theina dingin, vaihawm thiamna ei pia’n. Achutiloleh, zia la mipi nasa tak hi kua’n vaihawm piak thei ding a hem?” a tia.

SAM 78:71

a mipi Jakobte leh a golua ding Israelte vâk dingin, a belam nokâite chinna lak ah kipat in a puidok hi.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

JEREMIAH 3:15

Tichun, ka lungthim gual tak pu belamchingte hun pia’ng ka tin, amau chun hetna leh hetthiamna’n hun vâk in au.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

KISIMNA LEKHABU 27:17

a ma âng ua chia ding leh lût dingin; amau puidok ah, pui lût dingin; tichun, Lalpa mipite chu chingtu nei lo belam hon gual ah a um ziang lona ding un,” a ti’n.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

JOHAN 10:4

A belamte chu a puidaw suak tak leh, a ma-âng un a chia in, a belamte chun a aw a het ziak un a zui sek ui.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 18:13

Chutichun, Saul in David chu a kiang ah pat chawndok in, sang khat chung ah thunei in a siam tai; tichun, David in sepaite mapui in, gâldo in a kuan un, a hung kile’kit jel sek ui.