1 KHANGTHU 11:18 - PATHIAN LEKHABU THIANGTHO (BSI)

¹⁸ Mi Pathumte chun Philistinte giamun lak chu hawtheng in, Beth-lehem khawpi kul kotkhak kiang ah tuikul ah tui chu vathal in, David kiang in a hun pia tau a, himaleh, David in zia tui chu a dawn nuam pua’n; Lalpa â dingin a buntha ta mai a,

1 KHANGTHU 11:18 ပူးပေါင်းရင်းမြစ်များ

2 SAMUEL 23:16

Ziaphatchun, a sepai hat pathumte chun Philistinte giamun chu hawtheng in, Beth-lehem khua kul kotkhak bul ah tui kul tui chu va thal in, David a hung pia tau a. Himaleh, ama’n a dawn nuam pua’n; Lalpa â dingin a buntha tai;

1 KHANGTHU 11:17

David chun a duthusam a hun gen a: “Beth-lehem khua tuikul, kul kotkhak kiang ah tui kha ka dawn ding ah ei vakhai piak thei mi pakhat bêk um ta ma leh aw!” a hun tia.

1 KHANGTHU 11:19

“Ka Pathian in zia tui chu dawn dingin ei phal puai. Zia mite thisan hi bang ti’n dawn thei ding ka hi em? Amau hinna phal khop hial ah ei va lak piak uh ahi ngâl a,” a ti ziakin a dawn puai. Zia gual ah chun a sepai hotu lian pathumte chunle a vabawl ui.

SOLOMON LÂ 8:6

La bânpuam ah tepte’na um gual ah khan, la lungchang ah tepte’na’n ei koi in; thi’na gual tuk in hepina hile a hat in, ûtna hile mithi khua gual khop in a hat hi. Meikuang gual in a diang jak in, gamkâng mei gual in a jam jak hi.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

NASEPTE 21:13

Paul chun, “Bang ding ah keima lunggimna ding bep ah zia gual ah chu kap la hiu em? Lalpa Jesu min ziak ah Jerusalem ah kânna bep hilo in, thi le ka huam ahi,” a tia.

1 SAMUEL 19:5

ama hinna tiangle îtcha lo khop in, Philistin mipa chu a la that ta’n; ama ziakin Israelte â dingin, zaw’na lopi tak Lalpa‘n a la pia ta ahi. Zia chu nang inle la mu’n, la kipak ma ma hi; bang a tia, a ziak bei kei ah, mawna nei lo chung ah khut thâk gua, David tha la guat ziang a hem? ti’n a gen tai.

1 SAMUEL 7:6

Tichun, mipi zosia Mizpah ah hungkhawm in, tui a khai un; kithoina thillat in zia tui chu Lalpa âng in a sungtha tau a. “Lalpa chung in ka la bawlkhial tau hi,” ti’n, zia ni chun an a ngawl tau a. Tichun, Samuel in Mizpah ah kipat in Israel zosia chung in vai a hawm tai.