1 KHANGTHU 11:10 - PATHIAN LEKHABU THIANGTHO (BSI)

¹⁰ Israelte chung thu ah Lalpa thupiak gual ah David leng ah a pansakna ding thu; Israelte tawh pang khawm David sepai hangsante lak ah hotu, nasa tak ah lenggam tundinna ding ah ama a la panpite chu ziate hi a hiu.

1 KHANGTHU 11:10 ပူးပေါင်းရင်းမြစ်များ

2 SAMUEL 3:21

Abner chun David kiang in, “Israelte zosia ka Lalpa lengpa kiang ah ko khawm dingin vachia ing ka tin, amau chun nang tawh kikâl ah thuthung a siam ua, nang inle la lung gual tak ah a chung ua vai la hawm theina dingin,” a tia. Tichun, David in Abner chu thamuang tak in a sawldok tai.

1 KHANGTHU 11:3

Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

1 KHANGTHU 12:21

Amau hi sepai hotu lian leh gâlhat ngen a hiziak un, David hung bulu gaw pawlte chu do in a panpi tau a,

1 KHANGTHU 12:23

Lalpa thupiak dungzui in, lenggam Saul khut ah kipat lakdaw ah um chu, David khut ah piak ding ahi ti ah Hebron khua David panpi ding ah hung khawm, sepai tam dan chu zia gual hi ahi:

1 KHANGTHU 12:24

Judah phung ah mi, phaw leh cheicha chawi sepaite zosia chu sang guk leh za giat a hiu a,

1 KHANGTHU 12:38

Zia sepai hangsante hi gâldo ding ah kisazosa’n, Israel zosia chung ah leng ah pang ding ah, lungthim thiangtho tak ah David tundin gua’n Hebron khua chun a hung tau ah; zia gual ma chun, Israel mipi dang zosia chule lung kigual tak ah David chu leng ah tundin gua’n a pang chiat tau hi.

1 KHANGTHU 12:39

A chanauteu in a nêk ding uh a la ngaitua piak zawsau ahiziak in, David kiang ah chun ni thum sung ne leh dawn in a um tau hi.

1 KHANGTHU 27:1

Kum tung ah thasin ah kithâk thaw ah Lengpa nasêm ding, hun khat thu ah sîng ni leh sang li jel ah pang dingin, Israel nam zosia sung ah mite chu, a phung chiat ua upate, sang khat chung ah hotute leh za khat chung ah hotute chu zia gual hin a chan ding uh hawm piak a hiu:

1 KHANGTHU 28:1

Israel gam vaihawmte zosia tawh, phung tin ah vaihawmte zosia tawh, lengpa nasêm ding ah a pawl pawl ah kisiamte chung ah hotute zosia tawh, sepai a sang têl chung ah hotute tawh, sepai a za têl chung ah hotute tawh, lengpa leh a chate go thil leh gan-gual zosia chung ah mawpawte zosia tawh, leng Inpi sung ah milian leh lalte tawh, gâlhangsante tawh, sepai hat zosia chu Jerusalem khua hung khawm dingin David in a ko khawm tai.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.