1 JOHAN 5:6 - PATHIAN LEKHABU THIANGTHO (BSI)

⁶ Zia hi ahi tui leh thisan ah hungpa chu, Jesu Khrista hi; tui bep ah hilo in, tui ah leh thisan ah ahi zawi. Zia thu hiatsakpa chu Thagau ahi, Thagau chu thutak chu ahi ngal a.

1 JOHAN 5:6 ပူးပေါင်းရင်းမြစ်များ

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

THIAMPUTE LEKHABU 17:11

Taksa hinna chu thisan ah um ahi ziakin, zia chu la hinnau tatna dingin mâichâm ah ka pia ta hen; thisan chun hinna a tan ta ngâl a.

ZEKARIAH 9:11

Nangma â dinginle la kiang ah, thisan thuthung ka la siam tâk ziakin, tui umlona kawkhûk ah kipat in, la mi tângte chu hun thâ daw piak ing ka.

MATTHAI 26:28

zia ka thisan, mi tam takte gitlo ngaidamna ding ah pawt, Thuthunna chu ahi.

MATTHAI 3:16

Jesu baptisma a chan zaw ah tui lak ah kipat a hung pawt phatin, van a hung kihong a, Pathian Thagau chu vakhu gual in a hung suk ah, a chung ah hung chû a mu tai.

MARKA 14:24

Jesu’n a kiang un, zia hi ka thisan, mi tam tak â ding ah pawt, thuthung chu ahi.

LUKA 22:20

Zia gual ma chun an a nêk zaw phat un, no chule a la, “Zia no, ka thisan ah thuthunna thak, nang uh â ding ah pawt chu ahi;

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:13

Banghilehle, ama Thagau thutak chu a hung tun tak leh, thutak zosia’n hun pui lût intin, ama phuak kawm in thu gen pua’n tin, a het tapote chu gen intin, thil hung tung dingte chu hun hiatsak in a.

JOHAN 3:5

Jesu’n a dawnhu a, “Titakzet in ka hil la hi, mi kuale, tui leh Thagau ah a pianlo chun, Pathian gam lutthei pua’n a,

JOHAN 4:10

Jesu’n a dawnhu a, “La kiang ah dawn ding ei pia’n, tipa leh, Pathian thilpiak chu he hilechin vang, ama kiang ah hin don zaw’n la tin, ama chun tuihing hun pia ding hive’n,” a tia.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 6:55

ka taksa hi an tak tak chu ahi’n, ka thisan chule dawn dingtak tak chu ahi.

NASEPTE 8:36

A kiton pek lai ua chun lui pakhat a tung ua, mi kigetpa chun, “Entia, zia tak ah hin tui a um hi, baptisma ka channa ding bang ei dâl a um em?” a hun ti’n.

ROMTE 3:25

a thisan ziak ah thupha choina hiding leh ginna chang dingin, Pathian in a guat a. Pathian in a dikna latsakna dingin, a dawtheina ziak ah nidang lai gitlonate a kihiat losak ziakin,

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

KOLOSSA 1:4

Khrista Jesu la gindan uh leh, mithiangtho zosia chung ah hepina la nei dan uh ka het tâk ziak un;

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

TITA 3:5

dikna lam ah I nasep dawteu ziak hilo in, tui ah silthianna leh Thagau Thiangtho ah siamthakna chun a jangaina dungzui in ei hukhing ta.

HEBRAITE 10:29

Pathian Chapa tawden ah, ama sukthianna thuthung thisan chu bangmalo ah ngai ah, hepina Thagau sunuakte chu, bang gual tak ah gawtna nasa zaw thuak tâk in la ngai awm?

HEBRAITE 12:24

chuleh, thuthung thak palai Jesu, Abel thisan sâng ah thu phazaw gen ding ah thisan kithe’na kiang lam ah hung khawmte la hizaw ngal un.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

HEBRAITE 9:7

Himaleh, pindan pani’na ah chun thiampu lianpen bep chu, kum khat ah khatvei bep thisan chawi pum in ama â ding leh mipi zosia gitlona ziak ah thillân dingin a lut sek hi.

1 PETER 1:2

thu mang ding leh, Jesu Khrista thisan thêkhum ding ah Thagau in a sukthian, Pa Pathian hetlawk gual ah têlte kiang ah, la chung un hepina leh chamna um ta hen.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 5:9

La thak a hun sau a: “Nang, Lekhabu chu la ah, a teptênate tham ding ah ting pen chu la hi; tha inla um ah, chitin, namtin, pautin leh mipite lak ah chun, la thisan inla tandok a, Pathian kiang la tut ta’n;

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.