1 JOHAN 5:4 - PATHIAN LEKHABU THIANGTHO (BSI)

⁴ Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.

1 JOHAN 5:4 ပူးပေါင်းရင်းမြစ်များ

JOHAN 1:13

Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

1 KORINTH 15:57

Himaleh, Pathian chu pâk in um ta hen, ama’n Lalpa Jesu Khrista ah chun zawna chu ei pia tai.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:9

Kuale Pathian ah piang chun, Pathian chi ama ah a um zing ziakin gitlo a bawl zing ta puai.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:18

Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

1 JOHAN 5:5

Jesu chu Pathian Chapa ahi ti gingte bep longal chun kua a hem khawvel zo sek?

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 15:2

Limlang tuipi hileh kilawm mei tawh kihel ka mu’n; sahângte, a teptênate, a limte, a min nambarte, zo ah hung pawtte chu Pathian tingtang chawi in, limlang tuisuagiat chung ah chun a ding tau a.

THUPUAN 2:11

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu thinina chun bangma law ta pua’n ah, atii, ti in.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 2:26

A zotu leh a tawp tiang ah ka nâte sêmpha zingte kiang ah chun: Namte chung ah thuneina pia’ng ka tin,

THUPUAN 2:7

Thagau in kochuamte kiang ah thu a gen hi, nakhang nei taphot chun he tau hen. A zo tapo chu Pathian paradis ah a nêk dingin hinna thingga pia ding ka hi, a tii, ti in.

THUPUAN 3:12

Kuale a zo tapo chu ka Pathian biak In ah khuam in pansak ing ka tin, zia kipat chun pawt kît ta pua’n tin; chuleh, a chung ah chun ka Pathian min leh, ka Pathian khawpi min Jerusalem thak, van ah Pathian kiang ah kipat hung kitâwl suk min leh keima min thak chu zik ding ka hi.

THUPUAN 3:21

Kuale a zo te chu, keima’nle ka zaw ah, ka Pa kiang ah lalchutpha ka chut gual hin, ka lalchutpha kiang ah chutsak ding ka hi.

THUPUAN 3:5

A zo te chu puan vâm silsak hi’n tiu in; hinna lekhabu a min uh chu thâimang him him pua’ng ka; Pa ma-âng leh vansawlchâkte ma-âng ah chun a min uh chu panpi zaw’ng ka.