1 JOHAN 5:20 - PATHIAN LEKHABU THIANGTHO (BSI)

²⁰ Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 JOHAN 5:20 ပူးပေါင်းရင်းမြစ်များ

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 54:5

La pawsal chu nangma hun Siamtu kha ahi’n, a min chu sepai honte Lalpa ahi ngal a. Israelte Mithiangtho, nangma hun Tanpa chu ahi’n, ama chu lei chung zosia’ Pathian ahi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

LUKA 21:15

la mêlmateu zosia’n a hun dodâl ua, a hun nial thei lona ding un, la thugen diu leh pilna hun pia ding ka hi.

LUKA 24:45

Ziaphatchun, Pathian Lekhathu chu a hiat thiam theina ding un a lungthim uh chu a sukvak piak tai.

JOHAN 1:18

Kuama’n bangtik lai inle Pathian a mu kha puau hi; himaleh, a Chapa changkhat neisun, Pa lung tawh kituak chun a chanchin a genchian hi.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

JOHAN 14:23

Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 14:9

Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 15:4

Nangmau ah ka um zing gual hin, keima ah um zing un. Bâk chu a guipi tawh a kizop lo leh, ama ngawn ah a ga theilo gual hin, nangmaule keima ah la um zing lo ua leh ga thei pua’n lau.

JOHAN 17:14

Keima’n la thu a kiang un ka pia ta’n, keima khawvel ah mi ka hi’lo gual ma’n, amau hawle khawvel ah mi a hi’lo ziak un, khawvel in amau chu a haw tai.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 20:28

Thoma chun, “Ka Lalpa leh ka Pathian!” a tia.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

1 KORINTH 1:30

Nanghaw vang ama ziakin Khrista Jesu ah chun la um un; ama chu Pathian kiang ah kipat ei uh â ding ah pilna, dikna, sukthianthona leh tatna ah siam ahi.

2 KORINTH 4:6

“Thim ah kipat vâk hung um hen!” ti ah thu pepa Pathian chun, Jesu Khrista mêl ah Pathian lopi dan hetna vâk ei pia ding in I lunggil uh a salvâk tangal a.

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

EPHESA 3:18

Mithiangthote zosia tawh, a letdan, a sau dan, a sândan leh a thûkdan hetchian theina ding leh,

PHILIPPI 3:9

Ama ah ka umtheina dingin; dan thu lam ah keima dikna hilo in, ginna ah kinga Pathian ah kipat dikna um chu nei zaw’n.

1 TIMOTHI 3:16

Nial gual lo hial in, I ginnau thugûk uh chu a lopi hi: “Ama chu taksa ah suklat, thagau ah thiam chansak, vansawlchâkte mu ngei, Jentelte lak ah tângkopi, khawvel pumpi ah taksan, lopina ah lâk to ah um ahi,” ti hi.

TITA 2:13

kinepna kipak um, I Pathian lopi tak leh Hukdampa Jesu Khrista kilâkna chu ngâk dingin ei hil a.

HEBRAITE 1:8

Ahi’n, Chapa chung thu ah chun zia gual hin a gen a: Aw Pathian, la lalchutpha chu, kumtuang in a um zing hi; dikna lal tiang chu la lenggam lal tiang ahi.

1 JOHAN 2:23

Kuale Chapa ging lo chun Pa chu a nei puai; Chapa ging taphot chun Pa le a nei hi.

1 JOHAN 2:24

A lim ah kipat la het uh kha nangmau ah umsak zing un. A lim ah kipat la het uh chu nangmau ah a um zing chun, Chapa leh Pa ah um zing in lau.

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.

1 JOHAN 4:14

Pa chun Chapa chu khawvel Hukdampa hiding in a hun sawl hi, ti ka muu ah, ka hiatsak uh ahi.

1 JOHAN 4:16

Tichun, Pathian in ei hepina chu I hiau ah, I gingcha tau hi. Pathian chu hepina ahi’n, kuale hepina ah um chu Pathian ah um ahi’n, amau ah le Pathian a um hi.

1 JOHAN 4:2

Zia gual hin Pathian Thagau chu la hethei ui: Jesu Khrista chu taksan a hung hi, ti dinpi thagau zosia chu Pathian ah kipat ahi’n;

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:15

Tichun, I dot taphot uh ei ngaithâk piak hi ti I het leh, a kiang ah I dotteu chu I mu tau hi, ti I hiau.

1 JOHAN 5:18

Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

1 JOHAN 5:5

Jesu chu Pathian Chapa ahi ti gingte bep longal chun kua a hem khawvel zo sek?

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

THUPUAN 3:14

Chun, Laodikia khua kochuam vansawlchâk kiang ah chun, zia gual hin zik in: Amen, ginum tak leh hetpi dik tak, Pathian thilsiam bul khan zia thu hi a gen hi:

THUPUAN 3:7

Philadelphia khua kochuam vansawlchâk kiang ah chun, zia gual hin zik in: Zia thute hi mithiangtho leh midik, David chabi nei, kuama khâk theilo ding ah hong leh, kuama hon theilo ding ah khâk khan a gen hi:

THUPUAN 6:10

Amau chun aw ngai tak in, “Aw Lalpa, thiangtho leh dik tak, lei ah umte chung ah ka thisan phubau chu la lo leh vaihawm lo a bang chan um nalai ding la hem?” ti’n a kiko ua.