1 JOHAN 5:18 - PATHIAN LEKHABU THIANGTHO (BSI)

¹⁸ Kuale, Pathian hinte chun gitlona a bawl zing ta puau hi, ti I hiau hi. Pathian ah piangte chu Ama’n a vêng zing ah, migilo in amau chu a khoi thei ta puai.

1 JOHAN 5:18 ပူးပေါင်းရင်းမြစ်များ

SAM 119:101

La thu ka zop zing theina dingin, lam diklo ah chun ka kengte hi ka suan nuam puai.

SAM 119:3

diklona him him bawl lo ah, a lampite haw sek mite ngei chu.

SAM 17:4

Midangte thilbawl ahileh vâng chu, la kam ah thu pawt dungzui in, thagum sua’na lampite chu ka pêl hi.

SAM 18:23

A âng ah demna bei ka hi’n, diklona lak ah kipat in ka kikoi kâng sek hi.

SAM 39:1

“Ka lei ah thil ka hikhiallona dingin, ka umdante hi vop pha’ng ka tin; mi nunsiate’n ei umpi lai siau, ka kam hi kam kânna’n huktup ing ka,” ka ti’n.

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

THIAMPUTE LEKHABU 11:37

Chuleh, thâichimu a sukkhakte chule a thiang hi’n a;

MATTHAI 5:37

La thugen chu ahileh ahi himai hen la, ahiloleh ahilo hiziang hen; zia khêlvâl chu gitlo ah kipan ahi sek hi.

MATTHAI 6:13

Gilo ding ah thepna hun in ei puilût kin la, gilo lak in ei hukdok zaw’n: Gamte, thil hi’theinate, lopinate, kumtuang in nang â ahi, Amen,” ti in.

JOHAN 1:13

Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 15:4

Nangmau ah ka um zing gual hin, keima ah um zing un. Bâk chu a guipi tawh a kizop lo leh, ama ngawn ah a ga theilo gual hin, nangmaule keima ah la um zing lo ua leh ga thei pua’n lau.

JOHAN 15:7

Nanghaw le keima ah la um zing ua, ka thute le nangmau ah a um zing chun, la dawi dawi uh don un, zia chu hi’piak in um in lau.

JOHAN 15:9

Pa’n keima ei hepi gual in, ken le nanghaw ka hun hepi ahi; ka hepina’n um zing un.

NASEPTE 11:23

Ama tun phatin, Pathian hepi dan chu a mu in a kipak ma ma ah, phatchuamngai tak ah Lalpa tuzing dingin a tîlkho tai;

JAKOB 1:18

A thilsiamte lak ah ga masa I hung hi’theina ding un, ama doi gual sukbutinna’n, thutak ah chun ei hing tai.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

1 PETER 1:23

Mangthai ziang thei ding chi sethei lak ah hilo in, Pathian Thu hing zing leh um zing dungzui ah piangthak la hitau a:

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:12

Kaina gual ah khan um puai tiu, ama chu gilopa ah kipan ahi ziakin, a suapipa a that tai. Bang ziak ah a tha a hem? Ama thilhi’te chu a pha pua’n, a suapipa thilhi’te kha a dik ziakin ahi.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.

1 JOHAN 3:9

Kuale Pathian ah piang chun, Pathian chi ama ah a um zing ziakin gitlo a bawl zing ta puai.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

1 JOHAN 5:15

Tichun, I dot taphot uh ei ngaithâk piak hi ti I het leh, a kiang ah I dotteu chu I mu tau hi, ti I hiau.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 JOHAN 5:21

Naute haw, milimte ah kipat kikoi kiang un.

1 JOHAN 5:4

Pathian ah piang tapo in khawvel hi a nuaisia sek ngal in. Chun, khawvel nuaisia ah zawna chu zia hi ahi: I ginnau hi.

JUDA 1:21

Pathian hepina ah um zing unla, kumtuang hinna ah pui tung thei I Lalpa Jesu Khrista hepina chu ngâk zing tau in.

JUDA 1:24

Tu’hin, kipûk lo ding ah hun vengthei leh, a lopina ma ah demna bei leh kipak tak ah koi theipa,

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.