1 JOHAN 5:16 - PATHIAN LEKHABU THIANGTHO (BSI)

¹⁶ La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.

1 JOHAN 5:16 ပူးပေါင်းရင်းမြစ်များ

THILSIAM THU 20:17

Chun, Pathian kiang in Abraham a pauchap ah: chuleh, Pathian in Abimelekh tawh, a ji tawh a suak nungakte chu a sudam kit ah, chate le a hun nei thei kit tau a.

THILSIAM THU 20:7

Tu’hin, mi ji kha pia kit ta’n; a pawsal kha jawlnei ahi ngal in, hun pauchap piak intin, dam mai in la. La piak kit lo leh chu thi ngei ding la hi ti he’n, nang tawh, la nei zosia natiang in,” a ti tai.

SAM 106:23

A mi têlchuam Mosi, a thasâng un a la ding lo vang leh, a lungnat ziakin a leng un, a la hi’mangthai mai dingin, a la gen a.

PAWTDAWNA THU 34:9

Chuleh a kiang in, “Tu’hin la mittung ka hi chun aw Lalpa, ka ni la hi: Ka Lalpa ka lak un lungsiat tak in ei kitonpi in aw; mi lu’lul tak himaleng uh le, ka gitlo nau leh bawl khialnateu ei ngaidam inla, la gochan dingin ei la’n,” a tia,

JEREMIAH 11:14

Nang vang, zia mite â ding hin pauchap kin la, a sik leh jal unle dot piak in pauchap kin; a lungdon man ua ei hun ko phat uh leh a la ngaitha lo ding ka hi’ngal a.

JEREMIAH 14:11

Ka kiang ah Lalpa‘n zia gual hin a gen hi: Zia mipite hi a phatna ding un pauchap kin.

JEREMIAH 7:16

Nang vang, zia mite â ding ah hin pauchap kin la, amau â dingin dot piak kin la, paupuak kin la, ka kiang in hun gen piak kin; a la limsak lo ding ka hi’ngal a.

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

KISIMNA LEKHABU 12:13

Tichun, Mosi chun Lalpa a ko ta’n, “Aw Pathian, lungsiat tak in ama hi hi’dam in,” a tia.

KISIMNA LEKHABU 15:30

Ahi’n la, a tup mawng ah thil bawl khial taphot chu, a gam sung mi hi hen la, gam dang mi a chêngdente lak ah kua hiziang taleh, Lalpa chung ah gilo ahi tâk ziak un, a chipite lak ah kipat paithâk ngâl ding ahi.

LUKA 12:10

Mihing Chapa demna thu gen tapo chu ngaidam thei hi’ntin; Thagau Thiangto demsia chu vang ngaidam thei hipua’n a.

JOHAN 17:9

Amau haw â ding ah don ka hi; khawvel â ding ah don ka hi puai; nang in kei lei piakte â ding bep ah don ka hi; nangma â a hiziak un.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.

1 JOHAN 5:17

Dik lona zosia hi gitlona ahi’n; himaleh, thina khop hilo gitlona a um hi.

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 2:25

Mi kua a hem khat in midang khat chung ah thil bawl khial leu, mi kua a hem khat bêk in Lalpa kiang ah a gitlonau chu ngaidam dot piak thei ding ahi’n; himaleh, min Lalpa chung ah thil bawl khial leu kua’n dot piak thei ta ding a hem?” ti’n a hil sek a. Himaleh, amau thalup ding chu Lalpa‘n pha a la sak lam a la hi tak ziakin, a pau thu gente chu bangma’n a ngaisak puau hi.