1 JOHAN 5:10 - PATHIAN LEKHABU THIANGTHO (BSI)

¹⁰ Pathian Chapa gingte’n hetpina chu a lunggil un a nei chiat tau hi. Pathian ginglote’n vang ama chu juauthei a chansak tau hi, Pathian in a Chapa chanchin a hiatsak chu a gin lo ziak un.

1 JOHAN 5:10 ပူးပေါင်းရင်းမြစ်များ

JOB LEKHABU 24:25

Chutichu hiloleh, kua a hem lepchiana hethei ah, ka thugen chu bangmalo mai mai ahi, tithei ding? ti in.

SAM 25:14

Lalpa chu ama laute gualpha ahi’n, a thuthung chu a kiang un a hetsak sek hi.

THUPILTE 3:32

Lalpa â dingin mi chanlam bei chu luaksuak um ahi’n, mi lamzangte vang chun Lalpa taksan a lawu hi.

ISAI 53:1

Ka thu gensawn uh kua’n a taksang awm? Chuleh, kuate kiang in Lalpa khutbân chu, tâklat in a um em?

JEREMIAH 15:18

Bang a tia ka natna chawl lo ah, ka beliam dam theilo ah, dam ding gaw lo hial ahi tam? A dik tak in, nang hi kei â dingin tuisam guam, a tui bei pai gual ah, ei thêm mai mai la bang hi.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 3:18

Ama ging taphot chu thiamlo chang pua’n tin; himaleh, ama ginglo taphot chu thiamlo changsa ahi tai, Pathian Chapa changkhat neisun min a ginlo ziakin.

JOHAN 3:33

Kuale a thu hiatsak a la pomte chun, Pathian chu dik tak ahi, ti a sudet tau hi.

JOHAN 5:38

Chuleh, a mi sawl hi la ginchâk lo ziak un, a thule nangmau ah a um puai.

NASEPTE 8:37

Ziaphatchun, Philip in, “La lunggil zosia’ la gin leh chang thei inla,” a tia. Chun, ama chun a hun dawnhu a, “Jesu Khrista chu Pathian Chapa ahi, ti ka ging hi,” a tia.

ROMTE 8:16

Thagau ngei chun eimau thagau tawh kizom in Pathian chate I hitau hi ti ei hiatsak hi;

GALATIA 4:1

Tu’hin chu ka ti ahi, goluatu ding chu bangkim chung ah neitu hi maleh, naupang ahi lai sia suak tawh a kikhiaknau bangma a um puai.

GALATIA 4:6

Chuleh, chate la hi tâk ziak un Pathian in a Chapa Thagau chu, “Abba, He pa,” ti ah kiko in, I lung sung un a hun sawl ta ahi.

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

HEBRAITE 3:12

Suapite haw, chingthei tau in; chutilochun, Pathian hing chu kiheisan dingin la lak un kua chung inle ginlona lungthim gilo tak hung um kha’n a.

2 PETER 1:19

Tichun, genlawkna thu det zaw diak I nei ui, khua a hung vâk ah, jingsol aksi chu la lung sung ua a suak masia, zia chu thim lak ah thaumei vâk a ngaisak gual ua la ngaisak ua leh a hi’pha hi’n lau.

1 JOHAN 1:10

Thil ka hi’khial puai I tiu chun, ama chu juauthei in I siam un, a thu le eimau in a um puai.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

THUPUAN 12:17

Tichun, dragon chu numei chung in a lungna deu deu ah, a suante, Pathian thupiak zui ah, Jesu Khrista hiatsakna pom a la um nalaite chu do dingin a kipandok tai.

THUPUAN 2:17

Thagau in kochuamte kiang ah thu a gen hi, nakhang nei taphot chun he tau hen. Kuale a zo tapo chu manna sêlgûk chu pia’ng ka tin, suang val le pia ding ka hi; zia suang chung ah chun min thak, a chang dingte bep longal in a het lo diu chu a kizik hi, a tii, ti in.

THUPUAN 2:28

Ka pa ah kipat thuneina ka mu tâk gual in, a zo te chu jingsol aksi chu pia’ng ka.