1 JOHAN 4:9 - PATHIAN LEKHABU THIANGTHO (BSI)

⁹ Pathian hepina chu I lak un zia gual hin tâklat ahi tai: Pathian in a Chapa neisun khawvel in a hun sawl ah, ama ah I hintheina ding un.

1 JOHAN 4:9 ပူးပေါင်းရင်းမြစ်များ

THILSIAM THU 22:2

A kiang in, “La chapa, la chapa neisun Isak, la hepi ngawi ngawi kha pui inla, Moriah gam ah chia inla, zia tak ah tâng pakhat ka hun hilna ding mun ah chun hâlmang thillat in hun pia’n,” a ti’n.

SAM 2:7

Lalpa thupiak chu hun hil ding ka hi; ka kiang in: “Nang vâng ka chapa la hi; tu’ni ka hin la hi.

MARKA 12:6

A chapa khat neisun a doichuam ma ma chu a um nalai a; ama chu a nunung pen in a sawl ah, “Ka chapa hi vang a la ja deu in au,” a tia,

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

JOHAN 10:10

Gucha chu gu ding leh, that ding leh susia ding longal in a hung ngai pua’n; kei ka hileh chu mi tam tak in hinna a nei ua, tam tak a nei theina ding ua hung ka hi.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 3:18

Ama ging taphot chu thiamlo chang pua’n tin; himaleh, ama ginglo taphot chu thiamlo changsa ahi tai, Pathian Chapa changkhat neisun min a ginlo ziakin.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

JOHAN 6:29

Jesu’n, “Pathian nasep chu zia hi ahi: a mi hun sawl hi gingcha leu chin,” ti’n a dawnhu a.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

JOHAN 6:57

Pa hing chun ei sawl ka hiziak in, Pa ah hing ka hi; ziaziakchun, kuale ei ne’ chu keima ah hing ding ahi.

JOHAN 8:29

Keima ei sawlpa hi keima tawh um khawm ka hiu; ama kipakna ding bep ka bawl zing sek ziakin, ama chun kei ngawn in ei nusia ngai puai,” a tia.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

JOHAN 9:3

Jesu’n a dawnhu, “Zia pa hin thil a hi’khial pua’n, a nu leh pa’nle a hi’khial diak puau hi: Pathian nasep ama ah a kilat theina dingin a hizawi.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

HEBRAITE 1:5

Vansawlchâk kua kiang inle, Pathian in zia gual hin a gen kha ngai em, “Nang ka Chapa la hi, tu’ni hin ka hin la hi tai,” ti leh, “Ama â dingin Pa hi’ng ka tin, ama chu kei â dingin Chapa hi’n a,” ti in.

1 JOHAN 3:16

Zia hin hepina chu I hethei ui: ama’n ei uh â ding ah a hinna a piak tâk hi; ei unle midangte â ding ah I hinnau I piak diu ahi.

1 JOHAN 4:10

Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

1 JOHAN 4:16

Tichun, Pathian in ei hepina chu I hiau ah, I gingcha tau hi. Pathian chu hepina ahi’n, kuale hepina ah um chu Pathian ah um ahi’n, amau ah le Pathian a um hi.

1 JOHAN 5:11

Hiatsakna chu zia hi ahi: Pathian in kumtuang hinna ei pia ta’n, zia hinna chu a Chapa ah um ahi.

1 JOHAN 5:13

Kumtuang hinna la nei ui, ti la hettheina ding un, nang uh Pathian Chapa min gingte kiang in zia thute hi ka hun zik ahi.