1 JOHAN 4:6 - PATHIAN LEKHABU THIANGTHO (BSI)

⁶ Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

1 JOHAN 4:6 ပူးပေါင်းရင်းမြစ်များ

2 KHANGTHU 18:21

Ama chun, ‘Kuan ing ka tin, a jawlneite zosia kam ah zuau gen dawsak dingin vakuan ding ka hi,’ a ti’n. Ziaphatchun, Lalpa‘n a kiang in, ‘Nang chun jawldok zo ding la hi’n, lawting ding la hi; chia kin inla, vabawl ngâl ta’n,’ ti’n a dawnhu a.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

ISAI 8:20

Zia gual ah thugente chun phalvak mu him him pua’n au!

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

MIKAH 2:11

Mumal lo leh diklo tak ah: “Uain thu leh khamthei thu la kiang ah hun hil ding ka hi,” ti ah min zuau a hun gen ua leh, ziate chu zia mite â ding bep ah chun, a thugentuu hiding ahi.

MIKAH 3:8

Keima ka hileh vang Jakob kiang ah a bawsiatnau, Israel kiang ah a gitlonau ka hiatsak theina dingin, Lalpa thagau ziak ah chun thilhitheinate, vaihawmnate leh hatnate ah chun ka dim zing tho hi.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

JOHAN 10:27

Ka belamte chun ka aw a hiau hi. Ke’n le amau chu ka hia’n, amau chun ei zui sek ui.

JOHAN 10:3

Ama chu a kotkhak vêngpa chun kot a hon piak ah; a belamte’n le a aw a hiau ah; ama belamte chu a min un a ko chiat ah, a puidok sek hi.

JOHAN 13:20

Titakzet in ka hil la hiu, kuale keima’n ka sawlte a la lop chun keima ei lop a hiu a; kuale keima ei lop chu keima ei sawlpa lop a hiu,” a tia.

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

JOHAN 15:26

Himaleh, Genpiakpa, Pa ah kipat ka hun sawl ding, thutak Thagau chu a hung tun phat leh, keima chanchin ma hi hun taklang ding ahi.

JOHAN 16:13

Banghilehle, ama Thagau thutak chu a hung tun tak leh, thutak zosia’n hun pui lût intin, ama phuak kawm in thu gen pua’n tin, a het tapote chu gen intin, thil hung tung dingte chu hun hiatsak in a.

JOHAN 18:37

Pilat chun a kiang in, “Aleh, leng la hi chu maw?” a tia. Jesu’n, “Leng ka hi chu nang inle la gen ta chulam. Thutak hiatsak ding leh zia thil ziak tak ah hin khawvel ah hung ka hi. Kuale mi thutak tapo chun ka aw a ngaithau hi,” a tia.

JOHAN 20:21

Jesu’n a kiang un, “Ka Pa’n ei sawl gual in nang hawle ka hun sawl la hiu, la lak un thamuanna um ta hen!” a ti kit a.

JOHAN 8:19

Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

JOHAN 8:23

Ama chun, a kiang un, “Nanghaw nuai lam ah kipan la hiu ah, kei ka hileh vang chunglam ah kipan ka hi; nanghaw hi zia khawvel ah mi la hiu in; kei chu zia khawvel ah mi ka hi puai.

ROMTE 1:1

Paul, Jesu Khrista suak, sawlchâk hiding ah ko ah um leh, Pathian Chanchinpha gen ding ah se’chuam ah um hin,

ROMTE 11:8

Pathian Lekhabu chun: “Pathian in tu’ni tiang in i-mut vuanna thagau a pia’n, muthei lona mitte tawh, hetthei lona bilte tawh,” ti zik gual in.

1 KORINTH 14:37

La lak ua thugen thei leh thagau thilhitheina nei ah kingai la um ua leh, ka thu hun zikte hi Lalpa thupiak ahi ti hiau hen.

2 KORINTH 10:7

La mit muu ah thil umte chu en un. Kua’nle Khrista â hi ah a kiginchâk leh, zia hi kingaituau hen; ama chu Khrista â ahi gual in, kei uh le ka hiu.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

1 TIMOTHI 4:1

Thagau chun, “Hun nunung lam leh mi khenkhatte’n puimanna thagaute leh, thitha lam ah thuhilna ngaisak ziakin, ginna hun haisan in au,” ti kichian tak in a gen hi;

2 PETER 3:2

Jawlnei thiangthote thugen lawk leh, la sawlchâkteu kam ah Lalpa leh Hukdampa thupiak chu la het zingna ding un.

1 JOHAN 4:1

Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 4:8

Kuale hepina nei lo chun Pathian chu a hepuai; Pathian chu hepina ahi ngal a.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

JUDA 1:17

Himaleh, doitakte haw, nang un vang I Lalpa Jesu Khrista apostolte thu genlawkte kha hezing un.