1 JOHAN 4:17 - PATHIAN LEKHABU THIANGTHO (BSI)

¹⁷ Zia hin hepina chu eimau ah a bukim tai: vaihawmna ni ah I hân san theina ding un, ama gual ah khawvel ah I um ziak un.

1 JOHAN 4:17 ပူးပေါင်းရင်းမြစ်များ

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

MATTHAI 10:25

Nungzui chu a hotu gual ah a hung um ah, suak le a pu gual ah a hung um leh hun tawk ahi. Insung khat ah a luchang pen bawn Belzebul a tiu leh, a Insung mite chu tina lawm lawm in au e!

MATTHAI 11:22

Himaleh, ka hil la hiu, vaihawm ni chun nang uh thok ding sâng in Tura leh Sidon khawte thok ding chu nêp zaw’n a.

MATTHAI 11:24

Himaleh, ka hil la hiu, vaihawm ni chun nangmau thok ding sâng in, Sodom khawte thok ding chu nêp zaw’n a, ti’n a gen a.

MATTHAI 12:36

Himaleh, ka hil la hiu, vaihawm ni tak leh vang mitin in a thu manlo genteu zosia kha hun gendok kit sik sek ding a hiu.

JOHAN 15:20

Suak chu a pu sâng in a lian zaw puai, ti thu ka gen tâk kha hezing unla. Amau in kei ei sukgenthei ua leh, nang uh le sugenthei in au; ka thu a zop ua leh nangmau thu le zawm in au.

JOHAN 17:22

Ei teni pumkhat I hi gual ah amau hawle pumkhat a hi’theina ding un, nang in lopina lei piakte kha amau kiang in ka pia tai.

ROMTE 8:29

Pathian chun, a Chapa chu unau tam tak lak ah cha piang masa pen ahi’theina dingin, a hetlawkte chu a Chapa gual hiding in a guatlawk a.

HEBRAITE 9:27

Mihing â dingin khatvei thi guatsa ahi’n, ziazaw chuleh vaihawmna um in a.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JAKOB 2:22

Ginna’n nasep tawh a sêm khawm ah, nasep ziakin ginna chu a bukim ta ahi, ti I mu thei ui.

2 PETER 2:9

Lalpa‘n ama ngaisakte chu thepna kipat hukdaw dan leh, midiklote chu vaihawmna ni ding ah gawt zing kawm ah koihe dan a henai.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

1 JOHAN 2:28

Tu’hin, chate haw, ama ah chun um zing tau in; tichun, ama hung kilâk phat leh, a ma-âng ah zakcha lo leh hangsan tak ah I umtheina ding un.

1 JOHAN 2:5

Himaleh, a thu zawm tapo chu, ama ah chun Pathian hepina chu a bukim hi. Zia chun ama ah I um uh chu I hethei ui.

1 JOHAN 2:6

Kuale ama ah ka um zing hi ti tapo chu, ama tawidan gual in a tawi ding ahi.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 3:3

Kuale, zia kinepna nei taphot chu ama a thiantho gual in a kisuthiangtho sek ui.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.

1 JOHAN 4:12

Kuama’n Pathian a mu kha nai puai; I kihepitua chiat ua chun Pathian chu eimau ah um in, a hepina chu eimau ah a hung bukim ahi.