1 JOHAN 4:10 - PATHIAN LEKHABU THIANGTHO (BSI)

¹⁰ Zia hin hepina chu a um hi, ei un Pathian I hepiu hilo in, ama’n ei hepi ah, I gitloteu thupha choina dingin a Chapa a hun sawl hi.

1 JOHAN 4:10 ပူးပေါင်းရင်းမြစ်များ

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

JOHAN 13:34

Thupiak thak ka piak la hiu, kihepiu inla, keima’n nanghaw ka hepi gual hin nanghaw le kihepiu in.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

HEBRAITE 2:17

Ziaziakchun, mihingte gitlo thupha choina a siam theina dingin, Pathian lam ah thiampu lianpen, jangai thei leh ginum a hi’theina dingin thil bangkim ah a suapite gual ah a hung kisiam chu a kul him ahi.

1 PETER 2:24

Gitlona thi’san ah, dikna ah I hin zawk theina ding un, ama ngei chun kros ah khan a taksa ah chun I gitlonateu a paw tai. Ama beliamte ziak ah sukdam in la um tau ahi.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 JOHAN 2:2

Ama chu I gitlonateu thupha choina ahi; eimau gitlona bep hilo in, khawvel pumpi gitlona thupha choina le ahi.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 4:19

Ama’n ei hepi masak ziakin I hepiu ahi.

1 JOHAN 5:11

Hiatsakna chu zia hi ahi: Pathian in kumtuang hinna ei pia ta’n, zia hinna chu a Chapa ah um ahi.