1 JOHAN 4:1 - PATHIAN LEKHABU THIANGTHO (BSI)

¹ Doitakte haw, thagau zosia taksang kiu inla, thagaute chu Pathian ah kipat a hiu em ti enchian zawu in; khawvel ah hin jawlnei lêm tam tak a pawtdok tangal un.

1 JOHAN 4:1 ပူးပေါင်းရင်းမြစ်များ

1 LENGTE 13:18

Ziaphatchun, pakhat zawk chun a kiang in, “Keile nang tawh bang tho ah jawlnei khat ka hi’n, vansawlchâk pakhat in Pathian thu’n ka kiang in: La kiang ah an ne, tui dawn dingin ama chu la In ah vapui kit in, ei ti ahi,” a tia. Himaleh, ama chun a lepbawlna a hi’n.

THUPILTE 14:15

Mimawl chun mi gen zosia a taksang sek in, lunggêl thei mi chun a kalsuanna ding a enchian masa sek hi.

JEREMIAH 14:14

Chuleh, Lalpa‘n ka kiang in, Jawlneite chun ka min in zuau a gen un; amau chu ka sawl pua’n, a kiang ua thu vagen dinginle ka guat puai. A lungthim ua a mithep nopna ziak un, bangma a mulopiu leh Pathian in a hiatsak hilote chu a gen zawu ahi.

JEREMIAH 23:16

Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

MARKA 13:21

Zia hun tak chuleh min la kiang un, “En tia, zia hin Messiah chu a um hi!” a hem, “Zia son a um hi!” a hem tileule taksang kiu in.

LUKA 12:57

Ahileh, bangatia nangmau â ding ah thil dik chu ngaitua sek lo la hiu em?

LUKA 21:8

Ama chun, “Thepzaw ah la um lona ding un chingthei un. Mi tam tak ka min in hung intiu in, ‘Ama chu ka hi,’ a hun ti ding hun uh a nai tai. Zia gual mite chu zui kiu in.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

NASEPTE 20:29

Ka pawt daw nung tak leh ngei hangsante la lak un hung lut intin, belam honte hi hun hawi puan ah ti ka hia’i.

1 KORINTH 12:10

midang kiang in thilmak hi’theina, midang kiang in thugen theina, midang kiang in thagaute hetkhen theina, midang kiang in pau chi chuam chuamte leh midang kiang in pau chuam chuam hilchet theina piak ahi.

1 KORINTH 14:29

Thugente’nle, pani a hem, pathum a hem in gen uh hen la, a dangte’n gunchu tak in ngaituau hen.

1 THESSALONITE 5:20

Jawlneite thute chu musit kiu in.

1 THESSALONITE 5:21

Bangkim patep unla, a pha chu tudet tau in.

2 THESSALONITE 2:2

Lalpa ni chu a tung zo tai ti’na thagau in a hem, thu zik in a hem, keimau ah kipat hileh kilawm lekha thotte ziakin a hem, la lungthim uh a kilîng lo ding leh buai lo dingin ka ni’ la hiu.

1 TIMOTHI 4:1

Thagau chun, “Hun nunung lam leh mi khenkhatte’n puimanna thagaute leh, thitha lam ah thuhilna ngaisak ziakin, ginna hun haisan in au,” ti kichian tak in a gen hi;

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

1 JOHAN 2:18

Chate haw, hun nunung chu ahi tai! Khrista dodâlte chu hung ding a hiu ti la hiatsa gual un, tu’hin Khrista dodâl tam tak a hung tau hi. Zia ah kipat hin hun nunung ahi, ti I hethei ui.

1 JOHAN 2:7

Doitakte haw, thupiak thak la kiang un ka hun zik pua’n, thupiak lui, a lim ah kipat la neisau kha ka hun zik zaw ahi. Zia thupiak lui chu la hiatsau ahi.

2 JOHAN 1:7

Jesu Khrista chu taksa ngei ah hung ahi ti dinpi lo, thêmtu tam tak khawvel ah hin a hung pawt tau a; zia gual mi taphot chu thêmtu leh Khrista dodâl chu a hiu!

3 JOHAN 1:11

Doitak, a phalo chu enton kiu inla, a pha chu enton zaw tau in. Thilpha bawl taphot chu Pathian ah kipat mi ahi’n; thil phalo bawl taphot chun vang Pathian a mu puau hi.

THUPUAN 2:2

La nasep dante, la sepgim dante, la thok gunchu dante, migilo haw la la ngai theilo dante kha ka hia’i. Sawlchâk hilo pi ah ka hi kitite la la patep ah, juauthei a hiu ti la he tai.