1 JOHAN 3:12 - PATHIAN LEKHABU THIANGTHO (BSI)

¹² Kaina gual ah khan um puai tiu, ama chu gilopa ah kipan ahi ziakin, a suapipa a that tai. Bang ziak ah a tha a hem? Ama thilhi’te chu a pha pua’n, a suapipa thilhi’te kha a dik ziakin ahi.

1 JOHAN 3:12 ပူးပေါင်းရင်းမြစ်များ

THILSIAM THU 4:25

Tichun, Adam in a ji a luppi ah, chapa pakhat a hing kit ah, a min dingin Seth a sak ah, “Pathian in Abel thasâng ah chisuan ding ei pia tai; Kaina’n ama chu a la that ta’ngal in,” a ti’n.

2 SAMUEL 13:22

Himaleh, Amnon in Absalom suapinu Tamar a pawngsual ziak ah chun, Absalom in Amnon chu a haw ma ma ziang ah, a kiang in a sia hin, a pha hileh bangma a gen puai.

SAM 37:12

Mi nunsia chun midik siatna ding guanggal in, a ha a gawi khum in;

SAM 38:20

Phatna, siatna ei thuk kit sekte hi, thilpha ka zui ziak ah ei do-te a hiu.

THUPILTE 27:4

Lungnatna chu a huaisia’n, siatchang le a so in; himaleh, kua a hem mitthipna thuak zo ding?

THUPILTE 29:10

Thisan sua mang mite chun midikte a mudau in, mi lamzangte hinna chu a hawl vêl vêl ui.

THUPILTE 29:27

Midiklote hi mi thu dik â dingin luaksuak um tak a hiu in; chuleh, dik tak ah um mi chule, migilo â dingin luaksuak um tak ahi.

MATTHAI 13:19

Kuale, gam thu chu bil ah he’, hethiam lo chu buchi lampi pâm ah ketha tawhbang ahi. Migilopa chu a hung ah, amau ah chi kitu chu a hung lâkmang piak sek hi.

MATTHAI 13:38

lou chu khawvel ahi; chiphate chu gam chate a hiu in; bulêmte chu migilo chate a hiu hi.

MATTHAI 23:35

tichun, midik Abel thisan ah kipat Barakia chapa Zekhariah, mâichâm leh mun thiangtho kikâl ah la thau thisan la sua zosiau kha, nangmau chung ah hung chu ding ahi.

MATTHAI 27:23

Gam ukpa chun a kiang un, “Bangatia a hem, bang thil hikhial a nei em?” a tia. Himaleh, nasa zaw diak in a hung kiko ua, “Kros ah khenden in,” a hun ti kit ua.

MATTHAI 5:37

La thugen chu ahileh ahi himai hen la, ahiloleh ahilo hiziang hen; zia khêlvâl chu gitlo ah kipan ahi sek hi.

LUKA 11:51

Abel thisan ah kipat, mâichâm leh mun thiangtho kikâl ah Zekhariah thisan kisua tiang in, tu’lai khangthakte chung ah hin kiphût ding a hi.

JOHAN 10:32

Himaleh, Jesu’n, “Ka Pa ah kipat in nasep pha tam tak ka hun etsak tai. Bang pen ziak ah chu suang ah ei se gua la hiu em?” a tia.

JOHAN 8:40

himaleh, Pathian ah kipat thu tak ka hiatte hun hil sek keima hi thâ lei guau hi. Abraham in vang zia gual chun a bawl ngai puai.

JOHAN 8:41

La pau nasep chu la sêm uh ahi hilam,” a tia. Ziaphatchun, amau chun, “Keihaw hi jaucha mai mai ka hi puau in, pa pakhat ka nei ui, Pathian ngei chu,” a tiu a.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

1 THESSALONITE 2:14

Nang uh, suapite haw, Judea gam ah Khrista Jesu ah Pathian kochuamte la enton tau ah, amau in Judate lak ah a thok gual un, nang unle la gam mi teu lak in la thuak ngal ua;

HEBRAITE 11:4

Ginna’n Abel in Kaina sâng ah kithoina phazaw Pathian kiang in a lân a. Pathian in a thilpiak a pom ziakin, a thilbawl ziak chun midik ah pom a hi; thi ta maleh, a ginna ziakin thu a gen zing nalai hi.

HEBRAITE 12:24

chuleh, thuthung thak palai Jesu, Abel thisan sâng ah thu phazaw gen ding ah thisan kithe’na kiang lam ah hung khawmte la hizaw ngal un.

1 PETER 4:4

Ziate ah amau nopsak bawl gual ah la bawl tâklo uh hi mak a sau ah, a hun gensia sek uh ahi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.

THUPUAN 17:6

Zia numei chu mithiangthote thisan leh Jesu ziak ah martarte thisan dawn kham in ka mu’n; ama ka mu in mak ka sa ma ma a.