1 JOHAN 3:10 - PATHIAN LEKHABU THIANGTHO (BSI)

¹⁰ Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 3:10 ပူးပေါင်းရင်းမြစ်များ

2 SAMUEL 13:22

Himaleh, Amnon in Absalom suapinu Tamar a pawngsual ziak ah chun, Absalom in Amnon chu a haw ma ma ziang ah, a kiang in a sia hin, a pha hileh bangma a gen puai.

MATTHAI 13:38

lou chu khawvel ahi; chiphate chu gam chate a hiu in; bulêmte chu migilo chate a hiu hi.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

JOHAN 1:12

Himaleh, ama a la lop ah, a min gingte chu Pathian chate hitheina a piai.

JOHAN 11:52

zia namte â ding bep chule hilo in, Pathian chate gam tin ah kithejak ah umte a puikhawm kit theina dinginle ahi.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.

NASEPTE 13:10

“Nang mi thêmpa leh jakda um zosia ah dimpa, nang diabol chapa, dikna lam zosia mêlmapa, Lalpa lampi diktakte suksiat hi haisan lo ding la hi maw?

ROMTE 13:8

Kihepituana beplo chu kuama thil ba kiu in; midang hepitu chun dan chu a hi’bukim ahi.

EPHESA 5:1

Chuleh, a cha doitakte gual in, Pathian nunchan zui tau in.

KOLOSSA 3:14

Zia zosia chung ah chun hepina’n kivan tau in, zia chu kikân zopna bukim chu ahi.

1 TIMOTHI 1:5

Ei un thuhil ding I kol pen uh hi ahileh, lunggil thiangtho leh sia leh pha hetna thiang leh ginna tak tak ah kipat pawt hepina ahi zaw ngal a.

1 JOHAN 2:29

Ama chu midik ahi ti la het ua leh, kuale dik tak ah thilhi tapo chu ama ah piang ahi ti hechian thei in lau.

1 JOHAN 3:1

Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

1 JOHAN 4:21

Ama ah kipat zia thupiak hi I nei uh ahi: Pathian hepi taphot in a suapiteu le a hepi diu ahi, ti hi.

1 JOHAN 4:6

Ei uh vang, Pathian ah kipat I hiu hi. Pathian he taphot chun I gen uh a ngai un, Pathian ah kipat hilote chun I gen uh a ngai nuam puau hi. Zia hin Thagau dik leh thagau dik lo chu I hekhen thei ui.

1 JOHAN 4:8

Kuale hepina nei lo chun Pathian chu a hepuai; Pathian chu hepina ahi ngal a.

1 JOHAN 5:19

Pathian chate I hiu ti leh, khawvel pumpi hi migilopa thunuai ah um ahi, ti I hiau hi.

1 JOHAN 5:2

Zia hin Pathian chate I hepi dan uh I hiau hi; Pathian I hepiu ah, a thupiakte I zop ua hin.

3 JOHAN 1:11

Doitak, a phalo chu enton kiu inla, a pha chu enton zaw tau in. Thilpha bawl taphot chu Pathian ah kipat mi ahi’n; thil phalo bawl taphot chun vang Pathian a mu puau hi.