1 JOHAN 3:1 - PATHIAN LEKHABU THIANGTHO (BSI)

¹ Ngai tiam un, Pa’n ei hepina ziak ah Pathian chate ei sak tâk hi a nasa na lawm lawm e! Zia gual ding chu I hi him uh ahi. Ama chu khawvel in a het lo ziakin, ei haw le ei he lo a hiu.

1 JOHAN 3:1 ပူးပေါင်းရင်းမြစ်များ

2 SAMUEL 7:19

Aw Lalpa Pathian, ziate hi vang nangma mit mu in thil neucha ahi; la suak Insung thu ding, hun sawt tak nung tiang ding lei gen piak nalai a. Aw Lalpa Pathian, zia thute hi mipite kiziltilna hung hita hen!

SAM 31:19

Aw nangma kichate â ding ah la phatna khol khawm, mi zosia mit mu ah nangma ah, ginna ngate â ding ah la bawl piak ding chu, a thupi na lawm lawm e!

JEREMIAH 3:19

Chuleh, Lalpa‘n zia gual hin a gen a: “Ka chate lak in ka hun koikhawm a, gam nuam tak, khawvel nam zosiate gochan sâng ah, gam mêlhoi pen chu ka hun piai. He pa ti’n ei ko in la tiu in, ei nusia ngai ta pua’n lau, ti’n ka gêl a.

HOSEA 1:10

Ahi’nla, Israel mipi chu tuisuagiat ah piaunêl te’ zaw gual lo leh simsên gual lo jat hi’n tiu in, a kiang un, “Ka mite la hipuau,” ti’na mun ah chun, amau kiang in, “Pathian hing chate,” ti hung hita’n au.

LUKA 20:36

Thi le thithei ta pua’n tiu in, vansawlchâkte tawh kibang in um ta’n tiu in, thawkitna chate a hiziak un Pathian chate hita’n au.

JOHAN 1:12

Himaleh, ama a la lop ah, a min gingte chu Pathian chate hitheina a piai.

JOHAN 11:52

zia namte â ding bep chule hilo in, Pathian chate gam tin ah kithejak ah umte a puikhawm kit theina dinginle ahi.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

JOHAN 16:3

Pa leh keima ei het lo ziak un, zia thilte chu hun bawl in au.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 3:16

Pathian in khawvel a hepi ma ma ziakin, a Chapa changkhat neisun chu a hun pia tai; kuale ama ging taphot chu mangthailo ah, kumtuang hinna a nei ngeina ding un.

ROMTE 5:8

Himaleh, Pathian chun ei hepina chu a latsak ah, migilo I hi’lai ua, Khrista chu I sik un a thi ta ahi.

ROMTE 8:19

Thilsiam zosia chun kinem tak in Pathian chate kilatna ding chu a ngakla ma ma tangal un;

ROMTE 8:21

thilsiam zosia le siatna suak ah kipat suachâtsak in um in tiu in, Pathian chate zalenna lopi tak chu chang ding ahi ngal un.

ROMTE 8:32

Ama Chapa hial bawn hawi lo ah, I leng ua thasâng ah hun pepa chun, thildang zosia le a thawn in ei pelo ding a hem?

2 KORINTH 6:18

nang uh dingin Pa hi’ng ka tin, nang uh le kei â dingin chanu chapate hi’n lau; Lalpa bangkim hi’thei chun a tii,”

GALATIA 3:26

Khrista Jesu gin ziakin Pathian chate la hung hi chiat tau hi.

GALATIA 3:29

Chuleh, Khrista â la hiu chun, Abraham suan, thutiam dungzui ah golua dingte chu la hitau hi.

DAN LEKHABU 14:1

Nanghaw hi Lalpa la Pathian uh chate la hitau ah. Mithi sûn ziak in la kihiliam ding uh ahi pua’n, la chalsam uh le la met lo ding uh ahi.

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 3:2

Doitakte haw, tu’hin chu Pathian chate I hitau hi; bang gual ah I um ding uh vang a kilang nai puai. Ama chu a hung kilat phat leh, ama chu ahi’na gual tak in mu tai tiu in, ama gual in um ding I hiu ti vang I hiau hi.

1 JOHAN 4:17

Zia hin hepina chu eimau ah a bukim tai: vaihawmna ni ah I hân san theina ding un, ama gual ah khawvel ah I um ziak un.

THUPUAN 21:7

A zo te chun zia zosia chu lua intiu in, kei a Pathian uh hi’ng ting, amau chu ka cha hi’n au.