1 JOHAN 2:8 - PATHIAN LEKHABU THIANGTHO (BSI)

⁸ Himaleh, thupiak thak le ka hun zik tho hi; zia chu ama leh nangmau ah kilang ta chu ahi; thim chu hung bei intin, vâk dik tak chu a hung vâk tangal a.

1 JOHAN 2:8 ပူးပေါင်းရင်းမြစ်များ

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 36:9

Nangma ah chun hinna tuikhuk a um ngal a; nangma vâk ah chun khawvak ka muu hi.

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

MATTHAI 4:16

‘Thim nuai ah chu te chun vâk lopi tak chu a mu tau in, thina lîm guam ah chu te chung ah chun, vâk a hung suakdok tai,’ tia a gen kha a hung guitun theina dingin”.

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

JOHAN 1:9

Vâk dik tak, mitin salvâk ding chu khawvel ah hung ahi.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

JOHAN 13:34

Thupiak thak ka piak la hiu, kihepiu inla, keima’n nanghaw ka hepi gual hin nanghaw le kihepiu in.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

ROMTE 13:12

jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.

2 KORINTH 8:9

Lalpa Jesu hepina chu, a gentheina ziak ah la hung hausak theina ding un, hausa maleh nanghaw ziak ah a genthei law kha la he’nau.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

2 TIMOTHI 1:10

himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

1 PETER 1:21

Ama jal in, mithi lak ah kipat kaithopa leh a lopina petu Pathian gingte chu la hitau ah; la ginnau leh kinepnau chu Pathian ah kinga ahi.

1 JOHAN 3:23

A thupiak chu zia hi ahi: A chapa Jesu Khrista min ging in, ama’n thu ei piak gual in kihepi tua chiat leu hing, ti hi.

1 JOHAN 4:11

Doitakte, Pathian in zia gual lawm ah ei hepi chun, eihaw le I kihepitua chiat diu ahi.

1 JOHAN 4:21

Ama ah kipat zia thupiak hi I nei uh ahi: Pathian hepi taphot in a suapiteu le a hepi diu ahi, ti hi.