1 JOHAN 2:4 - PATHIAN LEKHABU THIANGTHO (BSI)

⁴ A thupiakte zawm lo ah ama ka hia’i, tite chu mi juauthei a hi’n, thutak chule ama ah chun a um puai.

1 JOHAN 2:4 ပူးပေါင်းရင်းမြစ်များ

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

TITA 1:10

Dan khawksa lo leh thu manlo mawk gen gente, mi thêm ah puimangte a tam tangal ua, a diak in zektante lak in a tam diak uh ahi.

TITA 1:16

Pathian he a kitiu in, himaleh a nasep ua chun ama a kihetlosak ui. Ki’dak um tak leh thu awilo tak in, thilpha hi’na ding lam taphot in a ting zo ta puau hi.

1 JOHAN 1:10

Thil ka hi’khial puai I tiu chun, ama chu juauthei in I siam un, a thu le eimau in a um puai.

1 JOHAN 1:6

Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi.

1 JOHAN 1:8

Gitlona ka nei puai ti taleu hin, eima leh eima kithêm I hi’n, thutak chu eimau ah a um puai.

1 JOHAN 2:3

A thupiakte I zop ua chun ama chu I hiau hi ti zia chun I hethei ui.

1 JOHAN 2:9

Kuale a suapi haw zing ngal ah, “Vâk ah um ka hi,” ti chu thim ah um zing nalai ahi.

1 JOHAN 3:6

Kuale ama ah um chun gitlo a bawl zing puai; kuale gitlo bawl zing chun ama a mu puau ah, het le a hepuau hi.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

1 JOHAN 4:7

Doitakte haw, kihepi tua chiat hitiu; hepina hi Pathian ah kipat a hingal a; kuale hepina nei chu Pathian ah piang ahi’n, Pathian chu a hia’i.