1 JOHAN 2:16 - PATHIAN LEKHABU THIANGTHO (BSI)

¹⁶ Khawvel ah thil um zosia, taksa nopnate, mit ah mu nopnate leh hausakna ki-uanpinate hi Pa ah kipat a hipua’n, khawvel ah kipat ahi zaw ngal a.

1 JOHAN 2:16 ပူးပေါင်းရင်းမြစ်များ

THILSIAM THU 3:6

Tichun, numei chun thingga chu a mu phât in nêk ding ah kilawm leh mit hîp ma ma ahi ti leh, mi hi’pil thei ding ah thingga etlâ um tak ahi ti a het in a ga chu a lo ah, a ne ta’n; a umpi a pawsal chule a pia’n, ama’nle a ne tai.

THILSIAM THU 6:2

pathian chapate chun mihing chanute chu mêlpha a sa ma mau ah; tichun, a dawi taphot uh chu a kichenpi ziang tau a.

JOB LEKHABU 31:1

Ka mitte tawh thuthung ka siam un; bangti’n em nungak ka et thei ding?

SAM 73:6

Ziaziakchun, kiletsakna chu, khî gual in a ngawng un a awk un, nunsiatna chun puan gual in a tuam hi.

SAM 78:18

A duchâk uh don in a lunggil tak un, Pathian a la patep un.

SAM 78:30

A duchâknau a kiduadok ah, a nêk lai ua a val tum mau in,

THUPILTE 27:20

Sheol leh Abaddon in hun leh hai a neilo gual un, mihing mit inle hun leh hai a hepuai.

THUPILTE 6:25

La lung in a mêl hoina chu tha lâ kin la, a mittêt hawina’n hun hîp in, hun man ki’hen;

DANIAL 4:30

lengpa chun a lungthim in, “Zia Babulon khaw lopi tak hi, lengpa chênna ding ah ka thahâtna leh ka lalna thupi tak suklatna ding ah ka siamdaw hilo a hem?” ti’n a ngaitua a.

KISIMNA LEKHABU 11:34

Tichun, zia mun ah chun gawlsante chu vui in a um tâk ziak un, a mun chule Kibroth-Hattavah a sa tau a.

KISIMNA LEKHABU 11:4

Chun, a lak ua nam dang umte chun sa a ducha ta ma mau a; Israelte chule a kap kit tau a: “Sa khatvei bêk kine leh aw!

MATTHAI 4:8

Chuleh, diabol chun tâng sâng tak in a pui kit a, khawvel gam zosia leh a lopina chu a etsak a.

MATTHAI 5:28

Kei vang in, kuale numei tatsiatpi ding et ah en tapo chun, a lungthim in a ângkawm zo ahi tai ti ka hil la hiu.

LUKA 4:5

Chun, diabol chun tângsâng tak ah a pui to ah, khawvel lenggam zosia a etsak a,

ROMTE 13:14

Lalpa Jesu Khrista ah chun kithuam zawu inla, taksa utna te pitin dingin bangma bawl kiu in.

1 KORINTH 10:6

Thil phalo a ngaitua gual ua I ngaitua lona ding ua ei etsaknau a hi.

GALATIA 5:17

Taksa chun Thagau chu a do sek a. Thagau inle taksa dona lam a nuam sek hi; thil la hi guatteu chu la hi’thei lona ding un ziate chu a kikãl sek uh ahi.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

TITA 2:12

zia chun Pathian ngaisak lona leh khawvel nopnate nusia ah, kisûm ah, diktat ah, tu’lai khawvel ah hin Pathian ngaisak ding leh,

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

JAKOB 3:15

Zia tawhbang pilna chu chung lam ah kipat hung suk a hipua’n, khawvel leh lei thil, diabol ah kipat ahi zawi.

JAKOB 4:16

La chaponateu chu la suang zawu ah, zia gual kisuanna zosia chu a pha puai.

JOSHUA 7:21

Gâllâk thil ah Shinar puan hoi tak leh, dangka shekel za ni leh sana tum shekel sawmnga ah gik ka mu phât in, ka en lâ ta lua’, ka la lâk mai ahi. A leng in ka puanbûk sung ah, lei nuai ah ka sêlgu’n, dangka chu a nuainung pen ah ka koi ahi,” a tia.

1 PETER 1:14

Cha thumangte gual in, la hetlo lai ua la nopnateu ah um talo in;

1 PETER 2:11

Doitakte haw, mikhual leh malzin la hiziak un, thagau dosek taksa nopnate chu haisan dingin ka hun ni la hiu.

2 PETER 2:10

Taksa nopna buak zui leh vaihawmna simmawte chu koidan a he diak hi. Ngolhân leh chapo a hiu a, vansawlchâkte a gensiat unle a kithing puau hi.

2 PETER 2:18

Thu manlo chu uang tak in a gen un, a diklo ah umte lak ah kipat taidokte chu taksa nopna hûkna lam in a thêm pûk sek ui.