1 JOHAN 2:12 - PATHIAN LEKHABU THIANGTHO (BSI)

¹² Naute haw, ama min ziak ah, la gitlonateu ngaidam ahi tâk ziakin, la kiang un ka hun zik ahi.

1 JOHAN 2:12 ပူးပေါင်းရင်းမြစ်များ

SAM 106:8

A chuti sapi’nle, ama min ziakin, a la hukhing nalai a, a thilhitheina lopi tak chu, a hetsak theina dingin.

SAM 25:11

Aw Lalpa, la min ziakin ka gitlona ngaidam in, ka gitlona a huaisia ngal a.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

LUKA 5:20

Ama chun a ginnau chu a la mu phât in, a kiang ah chun, “Mihing! la gitlonate ngaidam ahi tai,” a tia.

NASEPTE 10:43

Jawlneite zosia’n a chung thu a la gen uh, ‘Kuale a ging tapo chun a min in gitlo ngaidamna chang ding a hiu,’ ti thu kha,” a tia.

NASEPTE 13:38

Ziaziakchun, suapite haw, zia pa ziak bep ah hin la kiang ua gitlo ngaidamna thu hung kigen ahi, ti hi he tau in;

NASEPTE 4:12

Midang kuama kiang in hukdamna a um puai, van nuai mihing minsak lak ah ei hukdam thei ding min dang piak in a um pawngal a,” a ti’n.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

KOLOSSA 1:14

ama ah chun I kitatnau I muu ah, I gitlonateu ngaidamna chu.

1 JOHAN 1:4

I kipaknau a bukim theina dingin zia thute hi ka hun zik uh ahi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

1 JOHAN 2:21

Thutak la het lo ziak ua ka hun zik a hipua’n, la het ziak uh leh thutak ah chun juau a um puai ti la het ziak un ka hun zik ahi zawi.

1 JOHAN 2:7

Doitakte haw, thupiak thak la kiang un ka hun zik pua’n, thupiak lui, a lim ah kipat la neisau kha ka hun zik zaw ahi. Zia thupiak lui chu la hiatsau ahi.