1 JOHAN 2:11 - PATHIAN LEKHABU THIANGTHO (BSI)

¹¹ Himaleh, kuale gingtu dang hua vang chu thim ah um in, thim ah khawsa’n, thim in a mit a sukthûm ziakin a chiana dingle a hepuai.

1 JOHAN 2:11 ပူးပေါင်းရင်းမြစ်များ

2 SAMUEL 13:22

Himaleh, Amnon in Absalom suapinu Tamar a pawngsual ziak ah chun, Absalom in Amnon chu a haw ma ma ziang ah, a kiang in a sia hin, a pha hileh bangma a gen puai.

THUPILTE 4:19

Mi nunsiate lampi chu, khûk thim tak gual ahi’n; a bang pen ah kisui a hiu le a hethei ngai puau hi.

THUGENTU 2:14

Mipil chun a luchang in mit a nei in; mingol ahileh vang thim lak in a chia hi. Ahi’nla, a chung ua thil tung zosia chu a kibang chiat ahi ti le ka mu tai.

THIAMPUTE LEKHABU 19:17

La lungthim ziang inle la chanau kinaipi la huat lo ding ahi; la Invêngte diklona chu hil tei tei in: Achutiloleh, nang thiamlo chang ding la hi.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 12:40

“Ama’n a mit uh a hi’thûm ah, a lung uh ahi tâk ah; a mit ua a mu lo ua, a lungthim ua a het thiam lo ua, a lung hei lona ding un, achutiloleh a la hi’dam kha ding ka hi,” a ti kit gual in.

2 KORINTH 3:14

Himaleh, a lungthimteu chu a suktâk ua. Tu’ni tiang hin thuthung lui a sim phat ua leh mai khû’na chu a hawk ngai puau in, zia mai khû’na chu Khrista bep ah sukbei ahi.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

2 PETER 1:9

Kuale zia thilte neilo chu mitthûm ahi’n, naicha bep mu thei, a nidang lai gitlonate silthianna chu a hemil ta ahi.

1 JOHAN 1:6

Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi.

1 JOHAN 2:10

Kuale a suapi hepi chu vâk ah um zing ahi; ama ah chun kipalpaina ding a um puai.

1 JOHAN 2:9

Kuale a suapi haw zing ngal ah, “Vâk ah um ka hi,” ti chu thim ah um zing nalai ahi.

1 JOHAN 3:15

A suapi hua taphot chu tualthat a hiu; tualthatte chun kumtuang hinna a nei puau hi ti le la hiau.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

THUPUAN 3:17

Ka hausa hen, nei leh lam ah ka pung hen, bangma ka tasam puai, la ti’n; himaleh, nang michaga, lungsiat um leh migenthei, mitthûm leh ngawnchang la hîdan la kihiat lo ziakin,