1 JOHAN 2:1 - PATHIAN LEKHABU THIANGTHO (BSI)

¹ Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

1 JOHAN 2:1 ပူးပေါင်းရင်းမြစ်များ

SAM 4:4

Buai ah la lungnat phat leh, thil hi’khial kin; la jalkhun chung un thipbek in, la lung uh gêl veng veng un. (Selah)

EZEKIEL 3:21

Ahi’n la, mi diktat chu gitlona haisan ding ah thu la hil ah, bawlkhial lo ah a um chun, a hing ngei ngei ding ahi, thuhilna a mat ziak un; chuleh, la hinna le la hukdok ding ahi tai, ti’n a gen a.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

LUKA 10:22

Thil zosia ka pa’n ei piakdaw a hita’n, Chapa chu kua a hem, Pa tilo chun kuama’n a hepua’n; Pa chule kua a hem, Chapa leh a kiang ua chapa’n a puandawnate bep lo ngal chun kuama’n a hepuau hi,” a tia.

JOHAN 10:15

Pa chun keima ei het ziakin, ken le Pa chu ka hia’i; chuleh, belamte â dingin ka hinna ka pia’i.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

JOHAN 14:16

Chuleh, keima’n Pa kiang in don ing ka tin, ama chun Thamuanpa dang, bangtik lai ah le la kiang ua um zing ding chu hun sawl piak ding ahi.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 21:5

Ama chun a kiang un, “Naute haw, nêk ding sanga la nei awm?” a tia. Amau chun, “Ka nei puau hi,” ti’n a dawnhuu a.

JOHAN 5:14

Chomkhat nung in, Jesu’n ama chu tempul ah a mu’n, a kiang in, “Ngaitia, la dam tâk hi thil hi’khial kit ta kin, achutiloleh, thil phalo zaw la chung ah hung tung kha’n a,” a tia.

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 8:11

Ama nu chun, “Lalpa, kuama’n thiamlo ei chansak puau hi,” ti’n a dawnhu a. Jesu’n a kiang in, “Ke’nle thiamlo ka hun chansak diak puai, chia’n la, gilo kit ta kin,” a tia.

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

ROMTE 5:10

A mêlma I hi’lai a bawn, a Chapa thina ziak ah Pathian tawh kicham I la hi tâk uh chun, kicham a I um tâk nung uh hin, a hinna ziakin hukhin in um ngei hitiu.

ROMTE 6:15

Bangti’n ahi ta diam? Dan nuai ah um hilo ah, hepina vaihawm ah um I hi’zawk ziak un gilo zing ding I hiu em? Hinaisai lo e!

ROMTE 8:34

Thiamlo chansak chu kua a hem? A hung thi Khrista Jesu kha ahi; ahi ngût hi, a thokit ah Pathian khut changlam in a um ah, ama chun ei pauchap piak zing ahi.

1 KORINTH 15:34

Ngaituana pil leh dik tak hun nei unla, gitlo bawl ta kiu in; mi khen khat hin Pathian hetna a nei puau hi; la jachâkna ding ua ka gen ahi.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

GALATIA 4:19

Chate haw, Khrista chu nangmau ah siam pitin ah a um masia, nauvei in ka hun vei la hiu.

EPHESA 2:18

Ama ziak ah chun Thagau mun khat ah, Pa kiang ah luttheina I nei gêl tau hi.

EPHESA 4:26

Lungnau inla, ahi’n, gilo kiu in; la lungnatnau chu nisa’n tumpi ki’hen.

1 TIMOTHI 2:5

A ziak chu, Pathian pakhat bep a um ah, Pathian leh mihing kikâl inle Palai pakhat bep a um hi, ama Khrista Jesu, Mihing ngei chu,

1 TIMOTHI 3:14

Chomkhat zaw leh la kiang ah hung ka kinem in, himaleh, zia thute ka hun zikna ziak chu,

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

JAKOB 3:9

Zia chun Lalpa leh Pa chu I chawihoi un, zia ma ma chun Pathian mêlpu ah siamte chu hânsia I law sek uh ahi.

1 PETER 2:22

“Ama chun thil a hi’khial him him pua’n, a kam ah le juauthepna a um puai”.

1 PETER 3:18

Pathian kiang ah ei pui theina dingin, Khrista chun gitlo ziakin kumtuang dai dingin a thuak ta’n; midik chun midik lo thasâng in a thuak ahi. Taksa ah thalup in a um ta’n, thagau ah suk-hin in a um tai.

1 JOHAN 3:18

Naute haw, a thu leh kam sung bep in kihepi puai tiu in, thu tak leh thilhi in hizaw hen.

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

1 JOHAN 5:17

Dik lona zosia hi gitlona ahi’n; himaleh, thina khop hilo gitlona a um hi.

1 JOHAN 5:21

Naute haw, milimte ah kipat kikoi kiang un.

3 JOHAN 1:4

Ka chate thutak ah a um zing ui ti ka het khêl ah kipakna lianzaw ka nei puai.