1 JOHAN 1:9 - PATHIAN LEKHABU THIANGTHO (BSI)

⁹ I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

1 JOHAN 1:9 ပူးပေါင်းရင်းမြစ်များ

1 LENGTE 8:30

La suak hi tawh la mi Israelte’n zia mun lam nga a pauchap tak ua leh a dotnau chu van ah la chênna kipat in ngaitha sek inla, ngaidam in.

1 LENGTE 8:47

sal ah puiman ahi’na gam ua a hung kihiatdawu ah, a kisik ua, sal ah puite gam ah la kiang ah a hun dot ua, “Ka gilo tau hi; ka hikhial tau ah, gilo tak in thil ka la bawl tau hi,” a hun tiu a;

NEHEMIAH 1:6

la suak Israel mipite â dingah keima la suakpa, a sûn a jan ah la kiang ah ka pauchapna hi ei la ngaitha’n la, ei hun en tiam in; la mipi Israelte hin la chung ah ka la gitlonau thupha ka hun chawi hi. Keima leh ka Inkuante hin ka la bawl khial zo tau a hi.

SAM 19:12

Kua a hem ama sukkhialnate hedok thei ding? Diklona kisêlgute lak ah kipat hin ei hithiang in.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

PAWTDAWNA THU 34:7

Sâng tam tak tiang ah khawtuana nei, khawlona, sukkhialna leh gitlona ngaidam ah; thiamlo changte ngaidam ziang lo ah, pate nunsiatna ziak ah, chate leh a tusawnte, suan thumna leh suan li’na tiang ah, phuba la sek,” ti’n a puang tai.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

JEREMIAH 3:13

La thil bawl khial dan chu puang inla, Lalpa la Pathian chung ah gilo la hi dan leh, thinghing bul tincheng nuai ah, mêl hetlote â ding ah la kiphal dante leh, ka kam suak la zop lo dante chu, thupha chawi phot mai in, Lalpa‘n a tii.

JEREMIAH 33:8

Ka chung ah thil gilo bawl ah a buakna zosiau sil thiang ing ka tin, ka chung ah a thil gilo bawl leh a helnau zosia ngaidam ta’ng ka.

KÂ LATE 3:23

jingkal si’n in a thak zing in; la ginumna chu a nasa na e!

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

EZEKIEL 37:23

A milimteu leh a thil ki’dak bawlteu; chuleh, thil phalo him him in, amau leh amau kisubuak kit ta pua’n au. A nungtolnau zosia ah kipat hukdok ing ka tin, hi’thiangtho ta’ng ka. Ziaphat chuleh, ka mite hita’n tiu in, Keima le a Pathian uh hita’ng ka.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 3:6

a gitlonateu kipuang in, Jordan lui ah chun baptisma a chang chiat tau hi.

MARKA 1:5

Tichun, Judea tânggam ah kipat leh Jerusalem khawpi mite chu a hung khawm ua; a gitlonateu puang in, Jordan lui ah chun baptisma a hung chang tau hi.

LUKA 22:57

Himaleh, ama chu a kilep a, “Numei, ama chu ka hekha puai,” a hun tia.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

NASEPTE 19:18

Chuleh, a ging tam takte chu a kiphuang ua, a thilhi zosiau chu a tâklang tau a.

ROMTE 3:26

ama chu a dik in, Jesu ginna nei mi chu thiam a chansak hi, ti a kichetna dingin.

1 KORINTH 1:9

A chapa Jesu Khrista I Lalpau tawh kivopna ah hun kolutpa Pathian chu a muan um hi.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

EPHESA 5:26

amau chu a sukthiantho theina dingin, a thu tui ah chun sil thiang in,

DAN LEKHABU 7:9

Ziaziakchun, Lalpa la Pathian uh hi Pathian tak tak, Pathian ginum, ama hepi ah, a thu zawmte chung ah suan a sâng ah sim tiang ah le a thuthung leh a hepina tâklang zing ahi ti hiau inla;

1 TIMOTHI 1:15

Khrista Jesu chu migilote hukdam dingin khawvel ah hung ahi, ti hi taksan um leh pom tâk ahi. A lak ua gilo Chungnung pen chu keima ka hi.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 10:23

Kilîng lo hial in I kinepnau thugin hi tudet zing hitiu, thutiampa chu a ginum ngal a.

HEBRAITE 11:11

Abraham in a kiang ah thutiampa chu ginum ah a ngai ziakin, a têkkûn nung in chisuantheina a nei kit ta’n, Sarah chule nau nei thei talo ding a la hi tai.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

THUPUAN 15:3

Pathian suak Mosi La leh Belamno La chu a sau a: “Bangkim Hi’thei Lalpa Pathian, la thilhite chu a mak in a lopi hi; nang kumtuang Lal, la lampite chu a fel in a dik hi.