1 JOHAN 1:8 - PATHIAN LEKHABU THIANGTHO (BSI)

⁸ Gitlona ka nei puai ti taleu hin, eima leh eima kithêm I hi’n, thutak chu eimau ah a um puai.

1 JOHAN 1:8 ပူးပေါင်းရင်းမြစ်များ

1 LENGTE 8:46

Kuama gitlona bawl lo a um paw’ngâl ah; nangma kãl ah a gitlo ua, a chung ua la lungnat ah, mêlma pakhat khut ah la piakdaw ah, gamla hi’n nai lehle, a mêlmateu in a gam ua sal ah pui mang a hiu a,

2 LENGTE 20:15

Jawlnei chun, “Aleh, la Insung ah khan bang bang a hung muu em?” ti’n a dong kit a. Hezekiah chun, “Ka In ah um zosia a mu suak kei ua: ka go thilte zosia hi a et lo uh pakhat chale a um puai,” ti’n a dawnhu tai.

2 KHANGTHU 6:36

Chuleh, la chung ah thil a bawlkhial phat ua leh, (kuama thil bawlkhial lo umlo ahi ziakin) a chung ua la lungnat ah, a gâlteu khut ah la piakdaw ah, a gamla hi’n, a nai tuam hiziang leh sal ah pui mang ah a hung um khâk ua leh le,

JOB LEKHABU 14:4

Thilbuak lak ah kipat thil thiangtho, kua’n ladok thei ding a hem? Kuama’n ladok thei pua’n au.

JOB LEKHABU 15:14

Mihing thitheite hi bang a hiu ah thiangtho ding, numei sung ah piangte hi, bangti’n dik thei ding a hiu em?

JOB LEKHABU 25:4

Mihingte hi Pathian âng ah, bangti’n dik suak thei ding a hiu em? Numei sung ah piang chu bang ti’n, thiangtho ding a hiu em?

JOB LEKHABU 9:2

Zia chu vang thudik ahi ti ka henai; himaleh, Pathian âng ah mihing mai mai hi, thiamchang thei ding a hem?

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

THUPILTE 20:9

“Ka lungthim ka hi’thiang ta’n, ka gitlona kipat in ka thiang tai,” ti’thei ding kua a hem?

THUGENTU 7:20

Thilpha bep bawl, bangma bawl khial nei lo, zia khawvel ah hin a um him him puai.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

JEREMIAH 2:35

nang in, bangma ka bawl khial pua’n; ka chung in lung na pua’n a, la ti nalai a. Bangma ka bawlsia puai la ti ziakin, tu’hin, la chung ah vaihawm ding ka hi.

THIAMPUTE LEKHABU 13:12

Ahi’n, a phâkna chu a vun ah a jak ah, a vun zosia a luchang ah kipat a keng tiang ah thiampu’n a hetthei tiang phâk in a tuam chun,

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

ROMTE 3:10

“Kuama midik a um puau in, pakhat chale a um puau hi.

ROMTE 3:23

mi zosia’n thil a hikhial zaw tak ziak un, Pathian lopina a chang zo talo uh ahi;

1 KORINTH 3:18

Nang leh nang kithêm kin. Pil kisa la hi chun, la pil theina dingin mingol hung chang phot in.

GALATIA 6:3

Mi bangma hilo ah milian khat ah kingai chu, ama leh ama kithêm ahi.

1 TIMOTHI 6:5

ngaituana gilo leh thutak neilo mite lak ah chun kinialnate a um sek ah, amau chun Pathian ngaisak hi lawkna ding bep in a ngaituau hi.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

JAKOB 1:22

Thu chu ngaitha mai ah nangmau kithêm lo in, thu chu sêmdok zaw tau in.

JAKOB 1:26

Kuale sakhua ngaisak ah kingai ngal ah, a leiteu veng lo ah, a lungthim ua kithêm zaw te chu, amau sakhua chu bangmalo mai ahi.

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

2 PETER 2:13

Thil hi’khial ziak ah thil phalo tuak in, a siatnau ah chun mangthai in au. Sûn ah kivakva’n a nopchên ua. La kiang un kivâkna ankuang a bawl un, amau kithepna ankuang ahiziak in a thanghuai in, a buak ui.

1 JOHAN 1:10

Thil ka hi’khial puai I tiu chun, ama chu juauthei in I siam un, a thu le eimau in a um puai.

1 JOHAN 1:6

Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi.

1 JOHAN 2:4

A thupiakte zawm lo ah ama ka hia’i, tite chu mi juauthei a hi’n, thutak chule ama ah chun a um puai.

1 JOHAN 4:20

Kuale, “Pathian ka hepi hi,” ti ah, a suapiteu hua chu juauthei a hiu; a muzing a suapiu bawn hepilote chun, a mu lo uh Pathian chu a hepi thei puau hi.

2 JOHAN 1:2

Thutak eimau ah um zing leh I kiang ah kumtuang ah um zing ding ziak ah chun,

3 JOHAN 1:3

Suapite khenkhat a hung tung un, thutak ah la ginum dan leh, thutak ah la um zing dan ei hil un, ka kipak ma ma hi.