1 JOHAN 1:7 - PATHIAN LEKHABU THIANGTHO (BSI)

⁷ Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 1:7 ပူးပေါင်းရင်းမြစ်များ

SAM 104:2

khawvak hi puan gual ah kithuamna’n la mang hi. Puanbûk gual in vante la kaipal in,

SAM 51:2

Ka khawlona kipat in ei sawp thiang inla, ka gitlona hile ei silthiang ta’n.

SAM 56:13

Ka hinna hi thi’na kipat in la hukdok ta’n; ka keng le kipûk lo dingin la veng bit ta’n, tu’hin chu, hinna vâk ah Pathian ma ah chia thei ta’ng ka.

SAM 89:15

Luaithena husa hete leh, aw Lalpa, la mêlvâk ah chiate chu mi hampha a hiu hi;

SAM 97:11

Mi dikte â dingin vâk a hung suak in, lungthim dik takte â dingin, kipakna a hung tung hi.

ISAI 2:5

Aw Jakob Inkuan ah mite haw, hung unla, Lalpa vâk ah hin leng dial dial tai tiu!

ISAI 33:24

Chun, a gam sung ah chêng kuama’n, “Ka dam puai,” ti ngai ta pua’n tin; zia khua chêngte chu a bawsiatnau ngaidam hita’n au.

ISAI 6:7

Vansawlchâk chun zia meiâm chu ka mûk a hun bî ah, ka kiang in: “Tu’hin, zia meiâm hin la mûk a bî tâk ziakin, la bawlkhialna zosia lâkmang a hita’n, la gitlona le ngaidam ahi tai,” a hun ti’n.

AMOS 3:3

A kitiam lawk a hilo ngal ua leh, bangti’n mi pani kiton thei ding a hiu em?

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

MATTHAI 6:12

Ka chung ua thil hi’khialte ka ngaidam sek gual un, nang inle ka thil hi’khialteu ei ngaidam in.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 5:4

a châng châng leh zia dil ah chun Lalpa vansawlchâk pakhat a hung sek in, tui chu a hung chok sek a; zia tak chuleh bang natna nei hilehle, zia tui kichawna lak ah chawm lut masa pen pen chu a dam sek ui.)

ROMTE 13:12

jan hi a bei vâng vâng ta’n, khua hung vâk ding ei tai; zia ziak chun, khawthim ah thilhite chu paitha’n vâkthuam in kithuam hitiu.

1 KORINTH 6:11

Nanghaw lak ah khenkhat zia gual mi chu la hisek un. Himaleh, Lalpa Jesu Khrista min leh, I Pathian Thagau ah chun silthian la hitau ah, hi’thiantho leh thiam chang la hitau hi.

EPHESA 1:7

A hepina hau dungzui in, a thisan ah tatna chu chang in, I gitlonateu ngaidamna chu I chang tau ahi.

EPHESA 5:8

Malai khan thim ah mi la hiu a; himaleh, tu’hin vang, Lalpa ah chun vâk ah mi la hung hitau a; ziaziakchun, vâk chate gual in um tau in.

1 TIMOTHI 6:16

Ama bep chun thithei lona a nei ah, kuama nai theilo vâk ah chun a um ah, kuama’n a mu ngailo leh a mu theilo uh ahi’n; ama kiang ah chun choihoina leh thuneina kumkhua’n um ta hen. Amen.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 9:14

Khrista thisan, Pathian kiang ah mêlhemna umlo, kumtuang Thagau jal ah kilân chun, nasep thisa ah kipat chun, a sia leh pha hetnau chu Pathian hing nasem dingin, bang gual bep in a hithiangtho zaw ta bep diam!

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

1 PETER 1:19

belamno dem kâilo leh buak kâilo gual ah, Khrista thisan lûl ah tat la hiu, ti la he ngal un.

1 JOHAN 1:3

Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

1 JOHAN 1:5

Thu vaithâk a kiang ah kipat ka het uh ka hun hilsawn uh chu zia hi ahi: Pathian chu vâk ahi’n, ama ah chun thim him him a um puai, ti hi.

1 JOHAN 5:6

Zia hi ahi tui leh thisan ah hungpa chu, Jesu Khrista hi; tui bep ah hilo in, tui ah leh thisan ah ahi zawi. Zia thu hiatsakpa chu Thagau ahi, Thagau chu thutak chu ahi ngal a.

1 JOHAN 5:8

Thagau tawh, tui tawh, thisan; zia pathumte chu a kituak chiat ui.

2 JOHAN 1:4

Pa ah kipat thupiak I mu gual ua, la chate thutak in a um ui ti ka mu ziakin ka kipak ma ma hi.

3 JOHAN 1:4

Ka chate thutak ah a um zing ui ti ka het khêl ah kipakna lianzaw ka nei puai.

THUPUAN 1:5

Jesu Khrista, hiatpitu ginum leh, mithite lak ah suakdok masa pen leh, lei ah lalte vaihawm piak ding pa ah kipat chun, hepina leh chamna la chung un um ta hen.

THUPUAN 12:11

Belamno thisan ziak leh, amau thu hiatsakna ziak leh, a hinnau chu thi ngam ah îtcha lo ah a la pan ziak un, zawna chu a chang tau hi.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.